Lífsstíll Hátískumerki eru farin að einblína á lífsstílinn í heild og fagurfræðin heldur sér út í gegn.
Lífsstíll Hátískumerki eru farin að einblína á lífsstílinn í heild og fagurfræðin heldur sér út í gegn.
Hönnun Stórkostlegur arkitektúr mætir viðskiptavinum Celine í flaggskipsversluninni í París.
Korkur Jógadýnan ætti að endast þér ævina en hún kostar rúmar 130 þúsund krónur.
Lúxus Gullfallega ketilbjallan sem kostar tæpar 400 þúsund krónur.
Fegurð Utan um vatnsbrúsann er koníaksbrúnt leðurhulstur.
Stál og leður Sippubandið fæst fyrir 131 þúsund krónur.
Vel merkt Jógakubburinn kostar 25 þúsund krónur.
Heimaæfing 2,5 kg lóð úr stáli og kálfskinni sem kosta 323 þúsund krónur.
Frönsk hönnun Svört litaútgáfa af lóðunum, þessi kosta 314 þúsund krónur.
Fylgihlutur Þung armbönd úr kálfskinni sem kosta 97 þúsund krónur.
[ Smellið til að sjá stærri mynd ]
Margir telja að ný föt eða búnaður fyrir ræktina komi fólki í gang af alvöru. Ef það er langt um liðið frá síðustu æfingu þá er elsta trixið í bókinni að fjárfesta í nýjum bol eða stuttbuxum og þá er allt í einu gaman að mæta aftur

Edda Gunnlaugsdóttir

eddag@mbl.is

Margir telja að ný föt eða búnaður fyrir ræktina komi fólki í gang af alvöru. Ef það er langt um liðið frá síðustu æfingu þá er elsta trixið í bókinni að fjárfesta í nýjum bol eða stuttbuxum og þá er allt í einu gaman að mæta aftur.

Þetta veit franska hátískuhúsið Celine sem hefur nú sett í sölu þær fallegustu æfingavörur sem völ er á. Í línunni má meðal annars finna jógadýnu, ketilbjöllu, lóð, sippuband og vatnsbrúsa úr stáli í leðurhulstri. Þeir sem aðhyllast fagurfræði í öllum kimum lífsins ættu að vera ánægðir núna en eina vandamálið er verðmiðinn. Þessar vörur kosta meira en gengur og gerist á þessum markaði.

Línan er viðbót við lífsstílsheiminn sem merkið er að skapa sér. Þó að merkið sé hvað þekktast fyrir hátískuna, skóna og töskurnar þá er hægt að fjárfesta í hlutum eins og sólstólum, hjólabrettum, skíðum, kertum, fylgihlutum fyrir hundinn og snyrtivörum.

Línan er ætluð til að gera heimaæfinguna meira elegant en þekkist nú til dags. Hlutirnir eru í Celine-brúnu leðri og vel merktir C-lógóinu. Ódýrasta vara línunnar er jógakubburinn, sem fæst fyrir tæpar 25 þúsund krónur. Sú dýrasta er ketilbjallan, 4,5 kg og gerð úr kálfskinni og stáli. Hún kostar tæpar 400 þúsund krónur.

Það verður fróðlegt að vita hvernig þessi lína selst og hverjir neytendurnir eru. Stóra spurningin er þó sú hvort það megi svitna á fínt ítalskt kálfskinn!

Höf.: Edda Gunnlaugsdóttir