Edinborg Icelandair flýgur þangað næsta vetur, sem og til Malaga.
Edinborg Icelandair flýgur þangað næsta vetur, sem og til Malaga.
Icelandair hefur flug til fjögurra nýrra áfangastaða í haust. Edinborg og Malaga bætast við sem nýir áfangastaðir í september en áður hafði félagið tilkynnt um flug til Istanbúl og Miami. Vegna mikillar eftirspurnar hefur flugáætlun til Nashville…

Icelandair hefur flug til fjögurra nýrra áfangastaða í haust. Edinborg og Malaga bætast við sem nýir áfangastaðir í september en áður hafði félagið tilkynnt um flug til Istanbúl og Miami.

Vegna mikillar eftirspurnar hefur flugáætlun til Nashville verið framlengd inn í janúar og flugtímabilið til Hamborgar verið framlengt út október. Þá verður tíðni aukin til Alicante, Barcelona og Brussel.

Flogið verður til Malaga einu sinni til tvisvar í viku frá 6. september til 30. maí og er flugtími fjórar klukkustundir og 45 mínútur, segir í tilkynningu Icelandair.

Flogið verður til Edinborgar þrisvar til fjórum sinnum í viku frá 12. september nk. til 12. apríl 2026 og er flugtími tvær og hálf klukkustund.

Bogi Nils Bogason forstjóri Icelandair segir m.a. í tilkynningu félagsins að það sé vel við hæfi að bæta Edinborg við þar sem 80 ár séu liðin frá fyrsta flugi Iceland­air til Skotlands, sem jafnframt var fyrsta millilandaflug íslensks flugfélags.