Tvær þyrlur og flugvél í útkalli

„Þegar út­kallið barst Land­helg­is­gæsl­unni var skipið í 260 sjó­mílna fjar­lægð, sem er gríðarlega langt frá landi, og það var á suður­leið svo það er ákveðið að staður­inn sem þyrl­an og skipið mæt­ist á sé um 150 sjó­míl­ur frá landi.“

Þetta seg­ir Ásgeir Er­lends­son upp­lýs­inga­full­trúi Land­helg­is­gæsl­unn­ar um mála­lok sjúkra­flugs í gær þegar farþegi á téðu skipi tók slíka sótt að annað þótti ekki tækt en að koma hon­um und­ir lækn­is­hend­ur á sjúkra­húsi.

Að sögn Ásgeirs fara tvær þyrl­ur í út­köll er um slíka fjar­lægð frá landi er að tefla „og sömu­leiðis var gripið til þess ráðs að kalla út flug­vél­ina TF-SIF, það var það mik­il þoka yfir hafsvæðinu sem gerði verk­efnið mjög flókið. Hlut­verk flug­vél­ar­inn­ar var bæði að finna hag­stæðustu flug­leið og sömu­leiðis að finna hent­ug­an stað, eða glufu, til að sinna þessu verk­efni,“ seg­ir Ásgeir frá.

Allt hafi þó gengið vel og sjúk­ling­ur­inn verið hífður um borð í aðra þyrluna um kvöld­mat­ar­leytið í gær 150 sjó­míl­ur austn­orðaust­ur af Langa­nesi. „Frá þeim stað var flogið inn á Eg­ilsstaði og þar var sjúk­ling­ur­inn flutt­ur frá þyrlunni yfir í flug­vél­ina og með henni til Reykja­vík­ur þar sem hon­um var komið und­ir lækn­is­hend­ur á Land­spít­al­an­um,“ seg­ir Ásgeir.

Seg­ir hann verk­efnið hafa verið flókið og krefj­andi en gengið mjög vel. „Þarna reyndi á sam­vinnu þriggja áhafna og þetta gekk al­veg glæsi­lega.“ atlisteinn@mbl.is