Sigurður Helgi Pétursson fæddist á Skammbeinsstöðum í Holtum 19. maí 1907, einn af tíu börnum hjónanna Guðnýjar Kristjánsdóttur og Péturs Jónssonar bónda. Hann lauk stúdetsprófi frá MR og fór síðan utan og lauk doktorsprófi í tæknilegri gerlafræði frá háskólanum í Kiel 1935

Sigurður Helgi Pétursson fæddist á Skammbeinsstöðum í Holtum 19. maí 1907, einn af tíu börnum hjónanna Guðnýjar Kristjánsdóttur og Péturs Jónssonar bónda. Hann lauk stúdetsprófi frá MR og fór síðan utan og lauk doktorsprófi í tæknilegri gerlafræði frá háskólanum í Kiel 1935.

Sama ár hóf hann störf hjá Mjólkursamsölunni, en starfaði meðfram sem sérfræðingur í iðnaðardeild Atvinnudeildar HÍ 1937-60. Hann varð deildarstjóri Rannsóknarstofu Fiskifélags Íslands 1960 og gegndi fjölmörgum ábyrgðarstörfum, og stýrði m.a. Náttúrufræðingnum og Tímariti VFÍ. Hann var í stjórn Hins íslenska náttúrufræðifélags og var formaður þess um tíma. Sigurður stofnaði Niðursuðuverksmiðju Borgarfjarðar og veitti henni forstöðu um árabil. Hann skrifaði fjölda vísindagreina um fag sitt í blöð. Þá skrifaði hann bækur um m.a. mjólkurfræði, líffræði, gerlafræði og fiska.

Sigurður kvæntist Þorsteinu Hannesdóttur 1932 og átti með henni börnin Huldu, Svavar og Pétur. Þau skildu. Hann giftist Mörthu G. Eiríksdóttur 1947, og síðar dr. Selmu Jónsdóttur árið 1955.

Hann lést í Reykjavík 15. desember 1994.