Héraðsdómur Reykjaness hefur dæmt Brynjar Joensen Creed í þriggja ára fangelsi fyrir kynferðisbrot gegn 15 barnungum stúlkum. Þetta er annar dómurinn sem Brynjar, sem er á sextugsaldri, hlýtur á rúmlega ári, en í fyrra fékk hann sjö ára dóm, einnig fyrir kynferðisbrot gegn ungum stúlkum.
Brynjar var meðal annars sakaður um að hafa verið í kynferðislegum samskiptum við ungar stúlkur, m.a. á Snapchat en fram kemur í dómi héraðsdóms að notendanöfn flestra stúlknanna hafi verið með þeim hætti að Brynjari hafi ekki átt að geta dulist að hann stæði þar í samskiptum við börn.
Héraðsdómur segir að brot Brynjars hafi verið fjölmörg og gróf. Jafnframt að háttsemi hans hafi verið til þess fallin að valda stúlkunum verulegum andlegum miska sem ætla megi að marki þær til framtíðar. Hann var enn fremur dæmdur til að greiða stúlkunum tæpar 18 milljónir í miskabætur.
Til baka
Leita í greinasafni
Prenta grein