Hæstiréttur hefur ákveðið að taka upp Bátavogsmálið svokallaða til efnislegrar málsmeðferðar. Málið snýr að sakfellingu Dagbjartar Guðrúnar Rúnarsdóttur, sem dæmd var í 16 ára fangelsi í Landsrétti fyrir að bana sambýlismanni sínum eftir tveggja daga barsmíðar en banameinið hafi verið köfnun

Hæstiréttur hefur ákveðið að taka upp Bátavogsmálið svokallaða til efnislegrar málsmeðferðar.

Málið snýr að sakfellingu Dagbjartar Guðrúnar Rúnarsdóttur, sem dæmd var í 16 ára fangelsi í Landsrétti fyrir að bana sambýlismanni sínum eftir tveggja daga barsmíðar en banameinið hafi verið köfnun. Lögmaður hennar sendi inn málskotsbeiðni til Hæstaréttar sem byggðist á þeirri forsendu að dómurinn væri bersýnilega rangur.

Snúa rök lögmannsins að því að í dómi Landsréttar hafi útvíkkuð réttarkrufning ráðið för við að ákvarða um hvernig dauða mannsins bar að. Ekki verið tekið mark á dómkvöddum matsmönnum. Á þeirri forsendu hafi dómur yfir Dagbjörtu verið þyngdur um sex ár á milli dómstiga en hún hlaut tíu ára dóm í héraði.

Þannig hafi hún í héraðsdómi verið sakfelld fyrir stórfellda líkamsárás sem leiddi til dauða en í Landsrétti hafi Dagbjört verið sakfelld fyrir manndráp.

Hæstiréttur segir í niðurstöðu sinni um að taka málið upp að
„[a]ð virtum gögnum hafi það verulega þýðingu almenna þýðingu“ að skýra hvaða refsiákvæði hafi verið undir þegar dómur var felldur.