Vínbúð Samdráttur hefur verið í sölu áfengis hjá ÁTVR síðustu ár. Það sem af er ári nemur samdráttur í sölu um 7%. Minnna selst af rauðvíni en áður.
Vínbúð Samdráttur hefur verið í sölu áfengis hjá ÁTVR síðustu ár. Það sem af er ári nemur samdráttur í sölu um 7%. Minnna selst af rauðvíni en áður. — Morgunblaðið/Kristinn Magnússon
Sala áfengis hefur dregist talsvert saman í ÁTVR í ár. Það sem af er ári hafa selst um 7.730 þúsund lítrar af áfengi í Vínbúðunum en á sama tíma í fyrra seldist um 8.301 þúsund lítri. Nemur samdrátturinn tæpum 7%

Höskuldur Daði Magnússon

hdm@mbl.is

Sala áfengis hefur dregist talsvert saman í ÁTVR í ár. Það sem af er ári hafa selst um 7.730 þúsund lítrar af áfengi í Vínbúðunum en á sama tíma í fyrra seldist um 8.301 þúsund lítri. Nemur samdrátturinn tæpum 7%.

Samdráttur hefur verið í sölu hjá ÁTVR síðustu ár. Samdrátturinn nú er þó sýnu meiri en áður. Eins og komið hefur fram í Morgunblaðinu var sala áfengis hjá Áfengis- og tóbaksverslun ríkisins á síðasta ári 4,2% minni í lítrum talið en á árinu á undan. Var það fjórða árið í röð sem samdráttur er í sölu hjá ÁTVR í lítrum talið á milli ára.

Þegar rýnt er í sölutölur á einstökum vörutegundum kemur ýmislegt forvitnilegt í ljós. Þannig má sjá að sala á sterku áfengi hefur dregist saman um 9% á milli ára, sala á rauðvíni hefur dregist saman um tæp 12% og sala á freyðivíni um 6%. Hvítvínssala hefur dregist saman um 5% og sala á lagerbjór um 7%. Sala á rósavíni hefur hins vegar aukist um 13%.

Höf.: Höskuldur Daði Magnússon