Minnst einn er alvarlega særður.
Minnst einn er alvarlega særður.
Átta eru særðir eftir að karlmaður vopnaður bensínsprengjum réðst á friðsaman hóp fólks í borginni Boulder í Colorado í Bandaríkjunum. Var fólkið komið saman til að sýna ísraelskum gíslum stuðning en árásarmaðurinn, sem er 45 ára gamall og af egypskum uppruna, er stuðningsmaður Palestínu

Átta eru særðir eftir að karlmaður vopnaður bensínsprengjum réðst á friðsaman hóp fólks í borginni Boulder í Colorado í Bandaríkjunum. Var fólkið komið saman til að sýna ísraelskum gíslum stuðning en árásarmaðurinn, sem er 45 ára gamall og af egypskum uppruna, er stuðningsmaður Palestínu. Á sama tíma og hann framdi ódæði sitt hrópaði maðurinn: Frjáls Palestína.

Fórnarlömb mannsins eru á aldrinum 52 til 88 ára og er minnst einn sagður alvarlega slasaður og með brunasár víða um líkamann. Árásarmaðurinn var handtekinn í aðgerðum lögreglu, en árásin er rannsökuð sem hryðjuverk og hatursglæpur.