Ingibjörg Isaksen, þingmaður Framsóknarflokksins, og Njáll Trausti Friðbertsson, þingmaður Sjálfstæðisflokksins, hafa bæði verulegar áhyggjur af frumvarpi Ingu Sæland, félags- og húsnæðismálaráðherra, sem mælir fyrir um að tengja skuli greiðslur úr almannatryggingakerfinu við launavísitölu.
Fjármála- og efnahagsráðuneytið hefur sent velferðarnefnd Alþingis minnisblað þar sem frumvarpið er harðlega gagnrýnt. Í minnisblaðinu er bent á að frumvarpið geti haft ófyrirsjáanleg áhrif á ríkissjóð. Bæði sitja þau Ingibjörg og Njáll í velferðarnefnd þingsins.
Ingibjörg segir þetta enn eitt dæmið um að ríkisstjórnin leggi fram mál án þess að hafa ráðist í fullnægjandi greiningarvinnu. Hún telur ólíklegt að málið farið óbreytt í gegnum þingið.
Njáll segir að ráðuneytið taki í minnisblaðinu undir þau sjónarmið sem hann hafi talað um innan nefndarinnar. Hann telur skynsamlegt að fresta afgreiðslu málsins. » 6
Til baka
Leita í greinasafni
Prenta grein