Þjórsá Opnunarhollið með fyrsta laxinn úr Urriðafossi, f.v. Birna Harðardóttir og Haraldur Einarsson landeigendur, Stefán Sigurðsson sem veiddi laxinn, Harpa Hlín Þórðardóttir og Matthías Stefánsson.
Þjórsá Opnunarhollið með fyrsta laxinn úr Urriðafossi, f.v. Birna Harðardóttir og Haraldur Einarsson landeigendur, Stefán Sigurðsson sem veiddi laxinn, Harpa Hlín Þórðardóttir og Matthías Stefánsson.
Laxveiðitímabilið fór formlega af stað 1. júní þegar veiði hófst í Urriðafossi í Þjórsá. Óhætt er að segja að opnunin hafi verið með ágætum og staðið undir væntingum, en veiðimenn lönduðu 12 löxum fyrsta daginn

Laxveiðitímabilið fór formlega af stað 1. júní þegar veiði hófst í Urriðafossi í Þjórsá. Óhætt er að segja að opnunin hafi verið með ágætum og staðið undir væntingum, en veiðimenn lönduðu 12 löxum fyrsta daginn. Voru þeir á bilinu 74 til 96 sentímetrar.

Á næstu dögum verða fleiri laxveiðiár opnaðar. Þannig bíða margir spenntir eftir því að sjá hvernig Norðurá í Borgarfirði byrjar, en lax hefur sést þar með fyrra fallinu nú í vor. Veiði hefst í Norðurá á morgun og í Blöndu á fimmtudag. Illviðrið sem nú er í kortunum getur vissulega sett strik í reikninginn. Eða eins og einn veiðimaður sem verður við opnun Norðurár missti út úr sér: „Það haustar snemma þetta vorið.“ Þegar líður á mánuðinn verða árnar opnaðar hver á fætur annarri og þær síðustu um mánaðamótin júní-júlí.

Opnunarhollið í Urriðafossi var skipað landeigendum og leigutökum. Haraldur Einarsson og Birna Harðardóttir, bændur á Urriðafossi, voru við veiðar ásamt Hörðu Hlín Þórðardóttur og Stefáni Sigurðssyni, en félag á þeirra vegum er með svæðið á leigu. Fimmti maður var svo sonur þeirra, Matthías Stefánsson, sem einmitt landaði 96 sentímetra hæng í veiðistaðnum Hulda. Veiðivefur mbl.is, Sporðaköst, fylgist grannt með opnunum og framgangi mála í laxveiðinni í sumar.