Madeleine McCann
Madeleine McCann
Leit að Madeleine McCann, sem hvarf fyrir 18 árum í Portúgal, var hætt í gær. Leitin hófst á þriðjudag og leitað var í þrjá daga við ströndina við Algarve. Rannsóknarlögreglumenn sem stýrðu rannsókninni hafa ekki gefið upp hvort þeir hafi fundið nýjar vísbendingar sem tengjast hvarfi stúlkunnar

Leit að Madeleine McCann, sem hvarf fyrir 18 árum í Portúgal, var hætt í gær. Leitin hófst á þriðjudag og leitað var í þrjá daga við ströndina við Algarve. Rannsóknarlögreglumenn sem stýrðu rannsókninni hafa ekki gefið upp hvort þeir hafi fundið nýjar vísbendingar sem tengjast hvarfi stúlkunnar.

McCann var í fríi með foreldrum sínum í Algarve þegar hún hvarf. Var hún þriggja ára gömul. Ítrekað hefur verið leitað að McCann í gegnum árin enda vakti hvarf hennar heimsathygli. Alls leituðu 25 þýskir lögreglumenn hennar í vikunni, og fóru yfir ströndina við Praia da Luz-hótelið, þaðan sem stúlkan hvarf 3. maí árið 2007.

Síðast var leitað að McCann í grennd við vatn nálægt hótelinu árið 2023. Sú leit skilaði engum vísbendingum.