Íshafið Með tíð og tíma mun ísinn á N-Íshafinu hopa og jafnvel hverfa.
Íshafið Með tíð og tíma mun ísinn á N-Íshafinu hopa og jafnvel hverfa. — Morgunblaðið/RAX
Norskir vísindamenn sjá nú meiri fiskgengd til norðurs en við höfum átt að venjast. Þorskur er kominn lengra norður fyrir Svalbarða en áður og þá hefur magn fisksins aukist þar um slóðir. Vísindamenn hér á landi hafa líka séð breytingar á útbreiðslu …

Norskir vísindamenn sjá nú meiri fiskgengd til norðurs en við höfum átt að venjast. Þorskur er kominn lengra norður fyrir Svalbarða en áður og þá hefur magn fisksins aukist þar um slóðir. Vísindamenn hér á landi hafa líka séð breytingar á útbreiðslu fisks í kringum Ísland undanfarin ár vegna hækkandi hitastigs sjávar. Þegar fram líða stundir geta þessar breytingar haft áhrif á allt norðurskautið.

Langt er síðan þau strandríki sem eiga efnahagslögsögu í Norður-Íshafi hófu að búa sig undir að íshellan hopaði og breytingar yrðu á útbreiðslu sjávartegunda á svæðinu.

Árið 2008 byrjaði umræða um Norður-Íshafið og mikilvægi þess að setja ramma utan um aðgengi að alþjóðlega hafsvæðinu í framtíðinni, ekki síst til að hindra stjórnlausar fiskveiðar. Þá var þegar útlit fyrir að ísinn myndi minnka og óttuðust ríkin að þegar þar að kæmi hefðu aðrar fiskveiðiþjóðir óheftan aðgang að svæðinu. Þær umræður leiddu síðan til stofnunar Norður-Íshafssamningsins sem strandríkin fimm, Bandaríkin (Alaska), Kanada, Grænland/Danmörk, Noregur og Rússland, eiga aðild að ásamt Íslandi, Kína, Japan, Suður-Kóreu og ESB. » 14