Laxeldi Kaldvík er meðal annars með starfsemi á Austfjörðum.
Laxeldi Kaldvík er meðal annars með starfsemi á Austfjörðum. — Ljósmynd/Kaldvík
Laxeldisfélagið Kaldvík AS hefur lokið við alls 40 milljarða króna endurfjármögnun sem felur í sér nýja lánsfjármögnun og hlutafjáraukningu. Markmið endurfjármögnunarinnar er að styrkja fjárhagsstöðu félagsins og styðja við áframhaldandi vöxt og fjárfestingar

Laxeldisfélagið Kaldvík AS hefur lokið við alls 40 milljarða króna endurfjármögnun sem felur í sér nýja lánsfjármögnun og hlutafjáraukningu. Markmið endurfjármögnunarinnar er að styrkja fjárhagsstöðu félagsins og styðja við áframhaldandi vöxt og fjárfestingar. Þetta kemur fram í tilkynningu frá Kaldvík.

„Við náðum samkomulagi við lánveitendur okkar í lok maí, sem tryggði félaginu ríflega 33 milljarða króna lánsfjármögnun til fjögurra ára. Lánsfjármögnunin er í formi sambankaláns sem fjórir bankar koma að, DNB, Nordea, Arion banki og Landsbankinn,“ segir Róbert Róbertsson fjármálastjóri Kaldvíkur í tilkynningunni.

Kaldvík vann að aukningu hlutafjár félagsins samhliða endurfjármögnuninni sem tryggði félaginu 6,6 milljarða króna. Hlutafjáraukningin naut stuðnings frá meirihlutaeiganda félagsins, Austur Holding AS.