Skjaldborg Hátíðin setti mikinn svip á Patreksfjörð um helgina.
Skjaldborg Hátíðin setti mikinn svip á Patreksfjörð um helgina. — Ljósmynd/Patrik Ontkovic
Skjaldborg – hátíð íslenskra heimildarmynda fór fram í 13. sinn á Patreksfirði um helgina. Markmið hátíðarinnar er að sýna heimildarmyndir sem annars kæmu varla fyrir augu almennings, en dagskráin var venju samkvæmt fjölbreytt

Elínborg Una Einarsdóttir

elinborg@mbl.is

Skjaldborg – hátíð íslenskra heimildarmynda fór fram í 13. sinn á Patreksfirði um helgina. Markmið hátíðarinnar er að sýna heimildarmyndir sem annars kæmu varla fyrir augu almennings, en dagskráin var venju samkvæmt fjölbreytt.

Á lokakvöldi hátíðarinnar fór fram verðlaunaafhending þar sem þær myndir sem skara þóttu fram úr fengu viðurkenningu. Ljóskastarann, dómnefndarverðlaun Skjaldborgar 2025 fyrir mynd í fullri lengd, hlaut Paradís amatörsins í leikstjórn Janusar Braga Jakobssonar. Jóna Gréta Hilmarsdóttir fékk viðurkenningu fyrir heimildarstuttmynd sína Ósigraðir og Bóndinn og verksmiðjan í leikstjórn Barða Guðmundssonar og Hrafnhildar Gunnarsdóttur hreppti áhorfendaverðlaun Skjaldborgar.

Þá var Ásgeir Ingólfsson, menningarblaðamaður og ljóðskáld, sem féll frá í janúar, sérstaklega heiðraður á hátíðinni en hann var einn af „mætustu fastagestum“ hennar.

Höf.: Elínborg Una Einarsdóttir