Esjan Allar tiltækar björgunarsveitir á suðvesturhorninu voru kallaðar út vegna leitarinnar. Leitin hófst á mánudagskvöld eftir að tilkynning barst.
Esjan Allar tiltækar björgunarsveitir á suðvesturhorninu voru kallaðar út vegna leitarinnar. Leitin hófst á mánudagskvöld eftir að tilkynning barst. — Morgunblaðið/Birta Margrét
Göngumaðurinn sem leitað hafði verið að á Esjunni frá því á mánudagskvöld fannst látinn síðdegis í gær. Hann fannst í hlíðum Kistufells í Esju. Umfangsmikil leit hófst á mánudagskvöld á Esju og í nágrenni þegar Slysavarnafélaginu Landsbjörg barst…

Birta Hannesdóttir

birta@mbl.is

Göngumaðurinn sem leitað hafði verið að á Esjunni frá því á mánudagskvöld fannst látinn síðdegis í gær. Hann fannst í hlíðum Kistufells í Esju.

Umfangsmikil leit hófst á mánudagskvöld á Esju og í nágrenni þegar Slysavarnafélaginu Landsbjörg barst tilkynning frá fólki sem var farið að lengja eftir manninum.

Allar tiltækar björgunarsveitir á suðvesturhorninu tóku þátt í leitinni. Auk þess sem gönguhópar leituðu mannsins voru drónar, fjórhjól og þyrla Landhelgisgæslunnar notuð við leitina.

Höf.: Birta Hannesdóttir