Norður ♠ 10854 ♥ 762 ♦ 732 ♣ G104 Vestur ♠ 632 ♥ 4 ♦ ÁKG10964 ♣ 96 Austur ♠ G9 ♥ D10953 ♦ D ♣ ÁKD73 Suður ♠ ÁKD7 ♥ ÁKG8 ♦ 85 ♣ 853 Suður spilar 1G doblað

Norður

♠ 10854

♥ 762

♦ 732

♣ G104

Vestur

♠ 632

♥ 4

♦ ÁKG10964

♣ 96

Austur

♠ G9

♥ D10953

♦ D

♣ ÁKD73

Suður

♠ ÁKD7

♥ ÁKG8

♦ 85

♣ 853

Suður spilar 1G doblað.

Spilið að ofan var eitt af þeim umtöluðustu á Norðurlandamótinu á Laugarvatni. Algengt upphaf sagna var að austur opnaði á 1♥ og suður sagði 1G. Nokkrir vesturspilarar dobluðu til sektar, þar á meðal Nicolai Heiberg-Evenstad í leik Noregs og Íslands.

Svona dobl eru hættuleg því ef ♦D gefur sig ekki er vesturhöndin lítils virði. En það má segja að Heiberg-Evenstad hafi hitt á óskastund því lokasamningurinn varð 1G doblað, ♦D kom í ásinn í útspilinu, vestur tók fyrstu sjö slagina á tígul og austur næstu fimm á lauf. Spilið endaði því 6 niður, 1.700 til Noregs. Við hitt borðið ákvað Birkir Jón Jónsson í vestur að passa eftir 1G og spilaði að lokum 2♦ sem unnust með fjórum yfirslögum.

Á spjalli bridsspilara á Facebook voru fjörugar umræður um hvort NS hefðu getað flúið í 2♠ og sýndist sitt hverjum. Lesendur geta velt því fyrir sér.