Norður ♠ 1063 ♥ 754 ♦ 962 ♣ ÁK43 Vestur ♠ G872 ♥ ÁKG ♦ 87 ♣ DG108 Austur ♠ 954 ♥ 62 ♦ D10543 ♣ 972 Suður ♠ ÁKD ♥ D10983 ♦ ÁKG ♣ 65 Suður spilar 4♥

Norður

♠ 1063

♥ 754

♦ 962

♣ ÁK43

Vestur

♠ G872

♥ ÁKG

♦ 87

♣ DG108

Austur

♠ 954

♥ 62

♦ D10543

♣ 972

Suður

♠ ÁKD

♥ D10983

♦ ÁKG

♣ 65

Suður spilar 4♥.

Það skiptir máli við spilaborðið að vera vakandi fyrir tækifærum til að afvegaleiða andstæðingana.

Í sveitakeppni gengu sagnir eins við bæði borð: 1♥-2♥-4♥. Út kom ♣D sem sagnhafi drap með ás í borði og spilaði hjarta á tíuna heima.

Við annað borðið drap vestur á sjálfstýringu með gosanum og spilaði ♣G. Nú vissi sagnhafi að hann yrði gefa tvo slagi í viðbót á tromp. Hann notaði því innkomuna í blindan til að spila tígli á gosann og þegar hann hélt gat sagnhafi lagt upp 10 slagi, gaf aðeins á ás og kóng í trompi.

Við hitt borðið sá vestur að hann gæti ekki tapað á að drepa ♥10 með kóngnum og spila laufi. Og inni í blindum á ♣K spilaði sagnhafi eðlilega hjarta á níuna. En þá dró vestur ♥G upp úr pússi sínu og tók ♥Á og sagnhafi varð að gefa vörninni á ♦D í fyllingu tímans.