Skógræktarfélagið býður í afmæli

Skógræktarfélag Reykjavíkur býður til afmælishátíðar á laugardaginn kemur, milli 12 og 17, í Vífilsstaðahlíð.

Friðlandið í Heiðmörk var formlega vígt 25. júní 1950 og er því 75 ára á þessu ári.

Af því tilefni er boðið til þessarar afmælishátíðar. Boðið verður upp á leiki, keppnir, andlitsmálun, varðeld, kaffihús og fræðslugöngu.

Klukkan 12.30 hefjast hátíðar­ávörp og eru ræðumenn Jóhannes Benediktsson, formaður Skógræktarfélags Reykjavíkur, Heiða Björg Hilmisdóttir borgarstjóri Reykjavíkur og Almar Guðmundsson bæjarstjóri Garðabæjar.

Klukkan 14.30 munu starfsmenn Skógræktarfélagsins stýra kappleikjum.

Til stendur að loka fyrir bíla

Heiðmörkin hefur verið í fréttum að undanförnu vegna þeirrar stefnu Veitna að loka bílaum­ferð al­menn­ings um Heiðmörk og gera ráð fyr­ir bíla­stæðum í jaðri úti­vist­ar­svæðis­ins. Sólrún Kristjánsdóttir framkvæmdastýra Veitna sagði í samtali við Morgunblaðið að stefnt væri að því að takmarka bílaumferð um viðkvæmustu svæðin til þess að tryggja hreint neysluvatn. Helsta ógnin við hreina vatnið væri bílar á grannsvæði.

Jó­hann­es Bene­dikts­son, formaður Skóg­rækt­ar­fé­lags Reykja­vík­ur, seg­ir fé­lagið hafa mikl­ar áhyggj­ur ef tak­mörk­un bílaum­ferðar um Heiðmörk­ina verði að veru­leika. Það muni draga úr aðsókn gesta ef fólk þurfi að ganga ein­hverja kíló­metra að þeim svæðum þar sem viðburðir fara fram.