Norður ♠ 8652 ♥ K652 ♦ G63 ♣ 102 Vestur ♠ ÁG1043 ♥ 103 ♦ – ♣ ÁK9543 Austur ♠ 97 ♥ ÁG987 ♦ K9854 ♣ 8 Suður ♠ KD ♥ D4 ♦ ÁD1072 ♣ DG76 Norður spilar 3♣ redobluð

Norður

♠ 8652

♥ K652

♦ G63

♣ 102

Vestur

♠ ÁG1043

♥ 103

♦ –

♣ ÁK9543

Austur

♠ 97

♥ ÁG987

♦ K9854

♣ 8

Suður

♠ KD

♥ D4

♦ ÁD1072

♣ DG76

Norður spilar 3♣ redobluð.

Það kann sjaldan góðri lukku að stýra þegar báðar hliðar enda í sama trompsamningi. Það sannaðist í spilinu að ofan sem kom fyrir á opna Evrópumótinu í Poznań. Spilið var spilað á samtals 24 borðum í öldungaflokki og blönduðum flokki í sveitakeppni og lokasamningarnir voru fjölbreyttir, allt frá 2G ódobluðum í suður til 5♠ doblaðra í vestur. Við eitt borð spilaði vestur 3♣ og fékk níu slagi.

Víða opnaði austur á 2♥, sýndi veik spil með hjarta og láglit og suður sagði 2G til að sýna jafnskipta 15-18 punkta þótt hjartafyrirstaðan væri rýr. Þá byrjaði vestur að dobla og oftast enduðu sagnir í 3♦ dobluðum í suður, 500-800 niður. En við eitt borðið reyndi suður að leggja á flótta með redobli. Við því sagði norður 3♣ og flóttaredoblaði þegar vestur doblaði á ný. En suður var ekki með á nótunum og sagði pass, sagnhafi fékk fjóra slagi og AV 2800.