Norður ♠ K ♥ ÁG64 ♦ ÁKG7 ♣ K652 Vestur ♠ D109876 ♥ 8 ♦ 92 ♣ DG97 Austur ♠ ÁG43 ♥ 1053 ♦ 5 ♣ Á10843 Suður ♠ 52 ♥ KD972 ♦ D108643 ♣ – Suður spilar 6♦ doblaða

Norður

♠ K

♥ ÁG64

♦ ÁKG7

♣ K652

Vestur

♠ D109876

♥ 8

♦ 92

♣ DG97

Austur

♠ ÁG43

♥ 1053

♦ 5

♣ Á10843

Suður

♠ 52

♥ KD972

♦ D108643

♣ –

Suður spilar 6♦ doblaða.

Tvímenningskeppnin á opna Evrópumótinu í Poznań í Póllandi stendur nú sem hæst. Mótið skiptist í undankeppni, A- og B-undanúrslit og A- og B-úrslit. Guðjón Sigurjónsson og Rúnar Einarsson voru efstir af 248 pörum eftir fyrri dag undankeppninnar á mánudag með 62,6% skor.

Í spili dagsins fengu Guðjón og Rúnar 99,18% skor gegn pólsku pari. Austur hóf leik með 2♣, sem lofaði laufi, Guðjón í suður sagði 2♦ og vestur 2♠. Rúnar lýsti stuðningi við tígulinn með 3♣ og austur stökk í 4♠. Guðjón sagði nú 5♦, vestur 5♠ og Rúnar, með bestu spilin við borðið, sagði 6♦. Nú hafði austur fengið nóg og doblaði með ásana tvo. En þegar vestur spilaði út ♥8 fékk Guðjón alla slagina.

Gunnlaugur Karlsson og Sigurjón Björnsson komust einnig í slemmu, 6♥. Enginn doblaði og austur fékk á ♠Á en þeir fengu samt 93% skor að launum.