Landsfundur Sjálfstæðisflokksins lokadagur

Loka

Golli / Kjartan Þorbjörnsson
Fleiri myndir eftir ljósmyndara »

Landsfundur Sjálfstæðisflokksins lokadagur

Kaupa Í körfu

GEIR H. Haarde var endurkjörinn formaður Sjálfstæðisflokksins í gær með 906 atkvæði af 946 sem greidd voru eða 95,8%. "Ég er að sjálfsögðu mjög þakklátur og hrærður yfir því hvað ég fékk góða kosningu," sagði hann eftir kjörið. "Ég get ekki annað en verið ánægður en það leggur manni enn ríkari ábyrgð á herðar að stýra þessu starfi til velfarnaðar, bæði fyrir flokkinn og þjóðina." Þorgerður Katrín Gunnarsdóttir var endurkjörin varaformaður með 894 atkvæðum af 979 greiddum eða 91,3%. Hún sagðist þakklát fyrir þann stuðning og hlýhug sem hún hefði fundið og að fundurinn hefði einkennst af miklum krafti og samstöðu. Kjartan Gunnarsson, fyrrverandi framkvæmdastjóri flokksins, fékk flest atkvæði eða 709 í miðstjórnarkjöri flokksins. En hann hóf einmitt alvarleg afskipti af flokksstarfinu fyrir 30 árum þegar hann og Inga Jóna Þórðardóttir urðu efst í kjöri til miðstjórnar sem fulltrúar ungra sjálfstæðismanna. Aðrir sem náðu kjöri voru Eyrún Ingibjörg Sigþórsdóttir, Unnur Brá Konráðsdóttir, Áslaug María Friðriksdóttir, Vilhjálmur Þ. Vilhjálmsson, Elínbjörg Magnúsdóttir, Þórunn Jóna Hauksdóttir, Þorbjörg Helga Vigfúsdóttir, Erla Ósk Ásgeirsdóttir, Helga Þorbergsdóttir og Örvar M. Marteinsson. MYNDATEXTI Forystan Geir H. Haarde og Þorgerður Katrín Gunnarsdóttir fengu afdráttarlausa kosningu á landsfundi í gær.

Frekari upplýsingar