Háskólinn í Reykjavík fær peningagjöf

Loka

Árni Sæberg
Fleiri myndir eftir ljósmyndara »

Háskólinn í Reykjavík fær peningagjöf

Kaupa Í körfu

ÞETTA slær tóninn fyrir framtíðina og gerir okkur kleift að byggja innra starfið upp samhliða uppbyggingunni á húsnæði skólans, sem annars væri ekki hægt. Þetta gefur okkur í rauninni vængi," segir Svafa Grönfeldt, rektor Háskólans í Reykjavík, en skólanum berst nú hátt í tveggja milljarða króna fjárstreymi frá einstaklingum og fyrirtækjum í formi aukins hlutafjár og framlaga í nýjan Þróunarsjóð skólans. Hlutafé verður aukið og stofnupphæð í Þróunarsjóðnum verður nálægt 1.500 milljónum. Féð á að nýta til styrkingar á akademískri stöðu skólans, eflingu í rannsóknum og auknu samstarfi við erlenda skóla. Svafa kveður þetta einnig lið í því að bjóða upp á nám á heimsmælikvarða án þess að velta kostnaðinum yfir á nemendur með skólagjöldum, en þau hafa hækkað nokkuð á undanförnum árum við skólann. MYNDATEXTI Hlutafé skólans verður aukið um 250 milljónir króna og nýr Þróunarsjóður stofnaður með um 1.500 milljóna framlagi. Róbert Wessman mun persónulega leggja til um einn milljarð króna til uppbyggingar skólans.

Frekari upplýsingar