Hallgrímur Snorrason

Loka

Friðrik Tryggvason

Hallgrímur Snorrason

Kaupa Í körfu

Þegar einar dyr lokast opnast aðrar. Hallgrímur Snorrason er hættur sem hagstofustjóri en honum bjóðast ýmis verkefni tengd skipulagi hagstofa á erlendum vettvangi. Mun hann t.d. fara til Erítreu í febrúar til að skoða hagstofumál þar og menn í Palestínu bera í hann víurnar í sama tilgangi. Hallgrímur er þriðji hagstofustjóri Íslendinga og jafnframt sá síðasti. Hagstofunni hefur nú verið breytt með löggjöf og er ekki lengur ráðuneyti. Hallgrímur samdi frumdrög að lögum þess efnis sem þegar hafa verið samþykkt og í þeim lagði hann sitt eigið starf niður. Fyrri hagstofustjórar voru þeir Þorsteinn Þorsteinsson, sem átti sæti í Sambandslaganefnd 1908 til 1918 og sat til 1950 sem hagstofustjóri, og svo Klemens Tryggvason, sem þá tók við og stýrði Hagstofunni til 1985, þegar Hallgrímur Snorrason tók við.

Frekari upplýsingar