Litlu jólin

Kaupa Í körfu

Strandir | Strandasýsla er annálað sauðfjárræktarhérað og svo rammt kveður orðið að þeirri sérstöðu að jólasveinarnir í sýslunni eru farnir að taka hrúta í misgripum fyrir hreindýr. Þannig fór að minnsta kosti fyrir þeim félögum Stekkjarstaur og Skyrgámi sem heimsóttu krakkana í Grunnskólanum á Drangsnesi á litlu jólin síðastliðinn föstudag. Sveinarnir þessir þekkja vel til á bæjunum Húsavík og Bassastöðum við Steingrímsfjörð. Á síðarnefnda bænum sóttu þeir forystusauð nokkurn sem átti að notast sem reiðskjóti í staðinn fyrir hreindýr og ferðuðust með hann um Drangsnes. Hrúturinn fékk meira að segja að koma með inn í grunnskólann og er það líklega í fyrsta sinn sem sauðfé á fæti hefur komið þangað inn. MYNDATEXTI Furðusvipur „Hreindýrið“ var undrandi á allri athyglinni.

Frekari upplýsingar

• SkráMBL0180021.jpg
• Breidd1890 dílar
• LjósmyndariJenný Jensdóttir
• Hæð2835 dílar
• MerkingMorgunblaðið/Jenný Jensdóttir
• DagsetningFöstudagur, 19. desember 2008
• Fyrsta birtingLaugardagur, 20. desember 2008
• Slóð/myndasafn/mynd/211133/