Jólaföt á börnin

Loka

Árni Sæberg
Fleiri myndir eftir ljósmyndara »

Jólaföt á börnin

Kaupa Í körfu

Nú styttist í blessuð jólin og þá ber að huga að jólafötunum. Það vill enginn fara í jólaköttinn enda aldrei að vita hvað það óargadýr gerir. Sérstaklega er passað upp á að blessuð börnin hafi eitthvað nýtt og fallegt til að klæðast á jólunum svo kattarskömmin haldi sig fjarri. Fyrir nokkrum árum var það svo að kaupa varð jólafötin sem fyrst svo þau yrðu ekki uppseld og til að mynda var mikill skortur á hvítum og sparilegum sokkabuxum á ungar dömur eitt árið. Nú er af sem áður var og það er gríðarlega mikið úrval af barnafötum í verslunum. Þó er ráðlegt að fara í verslunarleiðangur snemma því enn gerist það að ákveðnar vörur seljast fljótt upp. Hér má sjá hluta af því miklu úrvali sem er af fallegum fötum fyrir börnin fyrir jólin. svanhvit@mbl.is Fyrirsæturnar eru Guðrún Thelma Matthíasdóttir, 9 ára og Guðmundur Adam Gígja, 5 ára. MYNDATEXTI Pæjan og gæinn Stúlkan: Svört stutt peysa með silfri í frá Outfitters Nation, 4.990 krónur. Fjólublár kjóll með slaufu frá Outfitters Nation, 6.500 krónur. Svartar glansandi leggings frá Outfitters Nation, 3.990 krónur. Skór eru í einkaeigu. Drengurinn: Svört skyrta frá Name it, 4.990 krónur. Grænt vesti frá Name it, 4.990 krónur. Svartar buxur frá Name it, 3.990 krónur. Svartir skór frá Next, 13.290 krónur.

Frekari upplýsingar