Gary Kasparov heimsækir gröf Fischers

Loka

Ómar Óskarsson
Fleiri myndir eftir ljósmyndara »

Gary Kasparov heimsækir gröf Fischers

Kaupa Í körfu

„Í minningu Roberts J. Fischers, mestu goðsagnar í sögu skákíþróttarinnar. Ég vildi að við hefðum fengið tækifæri til að hittast og vinna í sameiningu að vegsemd skákíþróttarinnar sem okkur er svo kær,“ skrifaði Garry Kasparov, fyrrverandi heimsmeistari í skák, í minningarbók Bobbys Fischers þegar hann vitjaði grafar hans og skoðaði Bobby Fischer-safnið á Selfossi í gær. Á myndinni skoða Kasparov og Guðmundur G. Þórarinsson, fyrrverandi forseti Skáksambands Íslands, myndir af Fischer í safninu. „Mér gafst aldrei tækifæri til að tefla við Fischer, því miður. Hann hætti að tefla aðeins 29 ára gamall ef ekki er talið með einvígið hans við Spassky í Belgrad árið 1992,“ segir Kasparov sem býður sig fram til forseta FIDE og styðja Íslendingar framboð hans. Í gær kom fram hörð gagnrýni Kasparovs á Pútín og yfirgang Rússa á Krímskaga.

Frekari upplýsingar