Unglingaþing - Erla María og Guðjón

Loka

asdis

Unglingaþing - Erla María og Guðjón

Kaupa Í körfu

Fyrsta NetÞing unglinga TILLÖGUR fyrsta NetÞings, unglingaþings umboðsmanns barna, voru afhentar forseta Alþingis í gær. Þetta nýstárlega þing fór fram á Netinu, á spjallrásum, póstlistum og vefsíðum, þar sem unglingar víðs vegar um landið ræddu saman sín á milli um málefni er á þeim brenna. Lokafundur NetÞingsins var síðan haldinn í Ráðhúsi Reykjavíkur í gær, þar sem tillögur þingnefnda voru ræddar og þeim komið á framfæri við yfirvöld. NetÞingfulltrúar voru 63 unglingar, 32 piltar og 31 stúlka, á aldrinum 12-15 ára úr 25 grunnskólum víðs vegar af landinu. Skipting þingfulltrúa var sú sama og drög að nýrri kjördæmaskipan gera ráð fyrir. Fyrsti formlegi þingfundurinn var haldinn 18. janúar sl., en þingið hefur aðallega starfað í nefndum á 6 lokuðum spjallrásum á Netinu. MYNDATEXTI: Frá lokafundi fyrsta NetÞings unglinga, sem haldið var að frumkvæði umboðsmanna barna í Tjarnarsal Ráðhúss Reykjavíkur. Kannski eru þessi íbyggnu ungmenni þingmenn framtíðarinnar.

Frekari upplýsingar