Múrbrjóturinn afhentur - Þroskahjálp

Kaupa Í körfu

Múrbrjótar Þroskahjálpar afhentir FJÓRIR hlutu í gær Múrbrjótinn, viðurkenningu Landssamtakanna Þroskahjálpar sem veitt er þeim sem þykja hafa "skarað fram úr í að ryðja fötluðum nýjar brautir í jafnréttisátt", að því er segir í tilkynningu frá samtökunum. Páll Skúlason, rektor Háskóla Íslands, afhenti verðlaunin á alþjóðadegi fatlaðra á Grand hóteli. Þeir sem hlutu Múrbrjótinn í ár eru: Svæðisskrifstofa málefna fatlaðra á Vesturlandi, vegna þjónustu við börn með fötlun og fjölskyldur þeirra, Rannveig Traustadóttir, dósent við Háskóla Íslands, vegna uppbyggingar fræðastarfs í þágu fólks með fötlun, Dóra S. Bjarnason, dósent við Kennaraháskóla Íslands, vegna einarðrar baráttu og rannsókna í þágu fólks með fötlun, en Dóra á sjálf fatlaðan dreng, og Jóhann Ágúst Sigurðsson, prófessor við læknadeild Háskóla Íslands, vegna grundvallarspurninga sinna um siðferði snemmómskoðunar. MYNDATEXTI: Frá afhendingu viðurkenninganna, frá vinstri: Páll Skúlason, rektor Háskóla Íslands, Jóhann Ágúst Sigurðsson, prófessor við HÍ, Dóra S. Bjarnason, dósent við KHÍ, Magnús Þorgrímsson, framkvæmdastjóri Svæðisskrifstofu málefna fatlaðra á Vesturlandi, og Rannveig Traustadóttir, dósent við HÍ.

Frekari upplýsingar

• SkráMBL0060248.jpg
• Breidd2236 dílar
• LjósmyndariGolli / Kjartan Þorbjörnsson
• Hæð1318 dílar
• MerkingMorgunblaðið/Golli
• Dagsetning
• Fyrsta birtingMiðvikudagur, 4. desember 2002
• Slóð/myndasafn/mynd/91396/