Karlotta prinsessa verður 5 ára 2. maí og herma sögusagnir að breska konungsfjölskyldan muni halda upp á afmælisdaginn á fjarfundaforritinu Zoom.

Samkvæmt breskum götublöðum eru Katrín og Vilhjálmur búin að skipuleggja skemmtilegan afmælisdag handa dóttur sinni með leikjum og köku. Rúsínan í pylsuendanum verður svo veisla á Zoom, þar sem öll fjölskyldan mun koma saman. Langamma hennar, Elísabet Englandsdrottning, mun einnig taka þátt í veislunni á Zoom.

Karlotta litla er sögð vilja fá alla fjölskyldu sína og vini í afmælið, en vegna kórónuveirunnar getur hún það ekki. Vilhjálmur Bretaprins og Katrín hafa verið í einangrun ásamt börnum sínum þremur og ekki hitt aðra í bresku konungsfjölskyldunni í persónu síðastliðnar vikur.

Litli bróðir Karlottu, Lúðvík, varð tveggja ára í síðustu viku. Ekki er vitað með vissu hvernig fjölskyldan hélt upp á afmælið.

Litli frændi þeirra Karlottu og Lúðvíks, Archie, sonur Harry Bretaprins á líka afmæli eftir nokkra daga, eða þann 6. maí.

Tengdar fréttir

Barnaafmæli

Þetta er vinsælasta þemað í barnaafmælum landsins

• Þríburar Rannveigar og Hallgríms orðnir eins árs
• Öllu tjaldað til á eins árs afmælinu
• Fögnuðu eins árs afmæli frumburðarins
• Áttburarnir orðnir 14 ára

» Fleiri tengdar fréttir

Fjölskyldulíf

Jón fangaði foreldrahlutverkið í sinni tærustu mynd

• Áslaug Arna dansaði með Ægi og móður hans
• Sonur Sigríðar Thorlacius orðinn þriggja ára
• Dóttir Leifs og Hugrúnar komin með nafn
• Júlí Heiðar og Þórdís Björk gáfu dóttur sinni nafn

» Fleiri tengdar fréttir

• Blogga um frétt