Nýjustu barnabækurnar bjóða upp alls kyns ævintýri
Setja bókamerki
Tengdar fréttir
Barnamenning
/frimg/1/54/26/1542666.jpg)
Jólabóksalan fer á fullt á komandi vikum og eru nýjustu titlarnir þegar farnir að streyma inn í bókabúðir. Margar skemmtilegar og spennandi barnabækur eru þar á meðal og innihalda þær fjölmarga skrautlega karaktera sem lenda í alls konar óvæntum ævintýrum.
Fjölskylduvefurinn tók saman nokkrar barnabækur í tilefni vetrarfrís grunnskólanna.
Skólaslit 2: Dauð viðvörun
Bókin Skólaslit 2: Dauð viðvörun eftir Ævar Þór Benediktsson er sjálfstætt framhald metsölubókarinnar Skólaslita. Allir krakkar munu hafa gaman af þessari stórskemmtilegu og ógnvænlegu sögu.
Furðufjall: Stjörnuljós
Verðlaunarithöfundurinn Gunnar Theodór Eggertsson hefur gefið út þriðju og síðustu bókina í þessum æsispennandi og ríkulega myndskreytta bókaflokki um Ímu og Andreas. Í þetta sinn er Andreasi rænt af álfunum en verra er að erkióvinur hans, prinsinn, hefur fundið Hulinseyju og hyggur á hefndir.
13 hæða trjáhúsið
13 hæða trjáhúsið þeirra Adda og Tedda er stórkostlegasta trjáhús í heimi. Það er með keiluhöll, gegnsærri glersundlaug, laug með mannætuhákörlum, leynilegri neðanjarðarrannsóknarstofu og sykurpúðavél sem eltir þig um allt og skýtur sjálfkrafa sykurpúðum upp í þig, hvenær sem þú finnur til svengdar. Þetta er stórskemmtileg bók eftir Andy Griffiths og í þýðingu Gunnars Kr. Sigurjónssonar.
Mér líst ekkert á þetta
Bókin Mér líst ekkert á þetta eftir Alexöndru Dögg Steinþórsdóttur fjallar um fyrirframgefnar hugmyndir og skoðanir, ímyndunaraflið og vináttuna. Bókin er fallega myndskreytt og hentar yngri lesendum.
Skrímslavinafélagið
Allir vita að bestu leyndarmálin eru geymd í leynifélögum. Þess vegna stofna Pétur og Stefanía Skrímslavinafélagið. Þegar þau finna dularfullt svart duft í skólanum sínum fara leikar að æsast. Tómas Zoëga og Sólrún Ylfa Ingimarsdóttir eiga heiðurinn af þessari fyndnu og fjörugu sögu sem á án efa eftir að kitla hláturtaugar lesenda á aldrinum 6 til 10 ára.
Lesum um fugla
Þessi bráðfallega bók eftir Árna Árnason Hafstað er hugsuð fyrir börn sem farin eru að lesa sér til gagns en í henni eru kynntar í stuttu máli um 70 tegundir algengra fugla í íslenskri náttúru. Þetta er tilvalin bók fyrir börn og foreldra til að lesa og eða skoða saman.
Mömmuskipti
Mömmuskipti er önnur bókin sem verðlaunahöfundarnir Arndís Þórarinsdóttir og Hulda Sigrún Bjarnadóttir skrifa saman. Bókin fjallar um hana Lindu sem veit ekki alveg hvernig hún á að vinna úr óvæntri samfélagsmiðlafrægð sinni. Bókin er stórskemmtileg og fjallar um eitthvað sem krakkar tengja án efa vel við.
Veikindadagur
Veikindadagur er æsispennandi hrollvekja eftir þau Bergrúnu Írisi Sævarsdóttur og Sigmund Breiðfjörð. Sögur þeirra og magnaðar teikningar hafa heillað lesendur um árabil en í þessari blóðugu bók halda þau á nýjar og hræðilegar slóðir.
Tengdar fréttir
Barnamenning
Óskýr ákvæði um kílómetragjald í landbúnaði
Mæli óhikað með þessari meðferð
Ásthildur: „Ég hljóp á mig“
„Ég er ekki með hamarinn og naglana“
Fara fram á gæsluvarðhald yfir fjórða: Voru saman í bíl með þeim látna
Gagnaleki nær til korta á Íslandi
„Gagnrýnin er í raun að beinast að röngum aðila“
Segir sjúkraflug á Húsavík í uppnámi
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
endurskoðandi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál
lýtalæknir svarar spurningum lesenda