Barnastjarnan fyrrverandi Dakota Fanning er orðin þrítug og byrjuð að hugsa um foreldrahlutverkið. Hún er ekki enn orðin móðir en þegar að því kemur fær Hollywood að fara í annað sætið. 

„Að vera leikari er stór hluti af því hver ég er. Ég veit í rauninni ekki hver ég er án þess,“ segir Fanning í viðtali við tímaritið Porter. „Að eignast börn er líklega mikilvægara en allt, líka en að vera leikari. Ef einhver segði að ég þyrfti að velja myndi ég velja að eignast börn. Ég er ein af þeim sem hefur þessa þrá.“

Ætlar að nýta tímann vel

Fanning er ekki vön að deila smáatriðum um sitt persónulega líf en gerði það í viðtalinu. 

„Ég veit ekki hvernig mér mun líða þegar að þessu kemur í mínu lífi og hversu mikið ég mun vilja vinna. En af því ég er ekki á þessum stað núna er ég að reyna njóta ævintýra núna,“ segir leikkonan. „Ég er að reyna að fara út fyrir rammann og segja já við hlutum sem mér finnst óþægilegir, að fara til staða í langan tíma sem ég er hrædd við að gera af því ef guð lofar þá verður það einn daginn ekki auðvelt,“ segir Fanning sem vonast til þess að verða móðir einn daginn. 

Dakota Fanning nýtur þess að segja já við hlutum. AFP/LOIC VENANCE

Tengdar fréttir

Fjölskyldulíf

Jón fangaði foreldrahlutverkið í sinni tærustu mynd

• Áslaug Arna dansaði með Ægi og móður hans
• Sonur Sigríðar Thorlacius orðinn þriggja ára
• Dóttir Leifs og Hugrúnar komin með nafn
• Júlí Heiðar og Þórdís Björk gáfu dóttur sinni nafn

» Fleiri tengdar fréttir

• Blogga um frétt