Við upphaf skólaársins hefst heimalesturinn og margir sem ætla að taka hann föstum tökum strax. Fjölskylduvefurinn tók saman nokkrar nýjar og áhugaverðar barnabækur sem við mælum með að kíkja á.

Kúkur, piss og prump

Sævar Helgi Bragason, betur þekktur sem Stjörnu-Sævar, hefur frætt marga um vísindi, bæði börn og fullorðna. Nýja bókin hans, Kúkur, piss og prump er þó ætluð yngri kynslóðinni. 

Bókin er hluti af vinsæla Vísindalæsisflokki Sævars Helga en í þeim flokki fræðir hann börn á auðskiljanlegan hátt um vísindi. Í bókinni Kúkur, piss og prump fjallar hann um meltinguna sem hluta af náttúrunnar hringrás. Elías Rúni myndskreytti.

Kúkur, piss og prump eftir Sævar Helga.

Nýi nemandinn

Nýi nemandinn er ný bók eftir Ævar Þór Benediktsson og fjallar um krakka, kennara, snareðlu í hettupeysu og þig. Bækur Ævars þar sem lesandinn ræður ferðinni hafa notið mikilla vinsælda á undanförnum árum. Nýi nemandinn er með stuttum köflum, aðgengilegum texta og hentar því vel byrjendum í lestri. Evana Kisa myndskreytti.

Nýi nemandinn eftir Ævar Þór Benediktsson.

Benjamín dúfa

Benjamín dúfa eftir Friðrik Erlingsson hafði djúpstæð áhrif á lesendur þegar hún kom fyrst út og hlaut íslensku barnabókaverðlaunin árið 1992. Bókin var endurútgefin nú á árinu og er þá kjörið tækifæri fyrir foreldra að lesa með börnunum.

Benjamín dúfa eftir Friðrik Erlingsson.

Amma slær í gegn

Bækurnar um Stellu eftir Gunnar Helgason hafa notið gríðarlegra vinsælda hjá íslenskum börnum. Þetta er áttunda bókin í þessum flokki og fjalla um sjálfhverfa unglinginn Stellu, fjölskyldu og vini hennar. Í þessari bók snýr amma Köben aftur af krafti.

Amma slær í gegn eftir Gunnar Helgason.

Tengdar fréttir

Fyrsti skóladagurinn

Er barnið þitt að byrja hjá dagmömmu eða í leikskóla?

• Svona er morgunrútína 11 barna móður
• Fimm ráð til að undirbúa barnið fyrir haustið
• Karlotta prinsessa byrjuð í skólanum
• Hefur þú endalausar áhyggjur af barninu þínu?

» Fleiri tengdar fréttir

Menntun

Læknanemar bjóða börnum í heimsókn á Bangsaspítalann

• Eru samfélagsmiðlar að ræna framtíðinni af börnum okkar?
• „Börnunum mínum leið greinilega aðeins of vel í bumbunni“
• Í hvað fer skjátími barnsins þíns?
• „Ég var búin að bíða lengi eftir því að verða móðir“

» Fleiri tengdar fréttir

Fjölskyldulíf

Sunneva og Baltasar þurftu samþykki fyrir nafni dótturinnar

• Prinsessan fékk nafnið Bella
• Dóttir Ingólfs og Alexöndru komin með nafn
• Jón fangaði foreldrahlutverkið í sinni tærustu mynd
• Áslaug Arna dansaði með Ægi og móður hans

» Fleiri tengdar fréttir

• Blogga um frétt