Gunnlaugur Helgason, betur þekktur sem Gulli Helga, eignaðist afabarn á dögunum. Dóttir hans, Díana Sif Gunnlaugsdóttir þroskaþjálfi, fæddi dreng í lok september.

Gunnlaugur birti einstaklega fallega mynd af sér með nýja fjölskyldumeðliminn í fanginu á Instagram-síðu sinni nýverið og er greinilegt að hann er himinlifandi með nýja afadrenginn, sem er þriðja barnabarn hans og Ágústu Valsdóttur móttökuritara hjá Dea Medica.

Díana Sif, sem er einkadóttir hjónanna, og sambýlismaður hennar, Lárus Orri Jóhannsson, eiga dreng fæddan í júní 2020 og elsti sonur Gunnlaugs, Helgi Steinar Gunnlaugsson uppistandari, á einnig ungan son.

Frétt af mbl.is

Gulli og Ágústa keyptu einbýli í Garðabæ

Árið hefur verið afar viðburðarríkt hjá Gunnlaugi og Ágústu. Hjónin kvöddu Breiðholtið eftir áratuga búsetu og fluttu yfir í Garðabæinn, en þau festu kaup á einbýlishúsi á einni hæð nýlega.

Smartland óskar Gunnlaugi og fjölskyldu hjartanlega til hamingju með nýja fjölskyldumeðliminn!

Tengdar fréttir

Meðganga og fæðing

Fannar og Valgerður eiga von á þriðja barninu

• Fjölgar í bresku konungsfjölskyldunni
• Hilmar og Sandra Björg eignuðust son
• Sindri stjörnukokkur eignaðist tvíburadrengi
• Mandy Moore fæddi stúlkubarn

» Fleiri tengdar fréttir

• Blogga um frétt