El­ín­rós Lín­dal fjöl­skylduráðgjafi svar­ar spurn­ing­um les­enda Smart­lands. Hér fær hún spurn­ingu frá ein­stæðri móður sem á son á ung­lings­aldri. Hún hef­ur áhyggj­ur því hann er alltaf í tölv­unni. Hvað er til ráða í sam­bandi við það? 

Sæl El­ín­rós.

Ég er ein­stæð móðir með einn son á tán­ings­aldri og hef smá áhyggj­ur af hon­um. Son­ur minn, sem er 14 ára, hang­ir í tölv­unni í marga klukku­tíma á dag þar sem hann spil­ar of­beld­is­fulla tölvu­leiki. Ég hef tekið eft­ir því að skapið í hon­um hef­ur versnað tals­vert síðustu vik­ur og mánuði og hugsa ég að tölvu­leik­irn­ir séu að hafa mik­il áhrif á hegðun hans. Son­ur minn er ljúf­ur og góður dreng­ur en ég er ansi hrædd um að hann sé að ein­angr­ast og vil því grípa í taum­ana áður en eitt­hvað ger­ist.

Hvað get ég gert?

Mbk.
Móðir

Sæl­ar og takk fyr­ir spurn­ing­una.

Ég held það sé bara mjög gott að setja ramma utan um tölvu­notk­un barna á þess­um aldri. Ég hef meðal ann­ars unnið í For­eldra­húsi sem ráðgjafi fyr­ir ung­linga í vanda og finnst al­gengt að þau börn sem fest­ast í tölv­unni að spila of­beld­is­fulla leiki fái mjög skakka mynd af ver­öld­inni í gegn­um þessa tölvu­notk­un. 

Það reyn­ir á að vera ein­stætt for­eldri með ung­ling í dag. Í raun þori ég að segja og skrifa: Það reyn­ir á að vera for­eldri ung­lings í dag því það er svo margt í gangi sem við ekki vit­um af.

Að fá aðstoð er alltaf fyrsta skrefið. Í For­eldra­húsi fá for­eldr­ar stuðning frá ráðgjafa og svo fá börn­in stuðning frá sín­um ráðgjafa. Sum­ir koma í For­eldra­hús vegna þess að tölvu­leik­ir eru farn­ir að hafa áhrif á það hvernig ung­lingn­um geng­ur í líf­inu.

Ég myndi ekki leyfa ung­lingi að fara í tölv­una nema að hann sé bú­inn að mæta í skóla, vinna heima­vinn­una og fara í íþrótt­ir og leika aðeins við vini sína.

Það get­ur verið gott að sitja með ung­ling­un­um og skoða leik­ina sem þeir eru í og að ræða við þá um hvað er best fyr­ir þá að gera. Mörk barna fær­ast til eins og full­orðinna og hef ég sjálf heyrt frá ung­ling­um að þeir vilji alls ekki að for­eldr­arn­ir horfi á það sem þeir eru að gera í tölv­unni, því það sé ekki næs.

Ég hef unnið með fjöld­ann all­an af ung­ling­um og verð að segja að þeir eru ótrú­lega opn­ir og skemmti­leg­ir og eru til í að segja frá því sem vel geng­ur í líf­inu og hvað er flókið og erfitt.

Það sem mér finnst hins veg­ar ótrú­lega dap­urt að sjá er sam­fé­lagið sem við erum að ala börn­in okk­ar upp í. Það sem er í gangi þegar börn helt­ast aðeins úr lest­inni eða þurfa stuðning. Hark­an, of­beldið, neysl­an og ruglið sem er í gangi er eitt­hvað sem við sem sam­fé­lag verðum að horf­ast í augu við á full­orðins­leg­an hátt í staðinn fyr­ir að sópa hlut­un­um und­ir teppið og skilja svo ekk­ert í því af hverju ung­ling­arn­ir okk­ar eru í of­beld­is­full­um leikj­um, sum eru vopnuð að slást og önn­ur leiðast út í neyslu.

Af öllu því sem barnið þitt get­ur verið að gera - hvað er best fyr­ir það?

Það gef­ur ung­ling­um mjög mikið sjálfs­traust að ganga vel í skóla. Að vera í íþrótt­um og að eiga góð tengsl við for­eldra sína og það skipt­ir máli að eiga skemmti­lega vini. 

Að fara í tölv­una stund­um, er líka bara fínt, en þegar það er orðið að flótta þá þarf að skoða það og setja tölvu­notk­un­inni mörk. Eins mæli ég alltaf með íþrótta­leikj­um frek­ar en of­beld­is­full­um leikj­um.

Að eiga góð tengsl við ung­linga er ekki bara nauðsyn­legt held­ur gef­andi. Al­mennt séð ráðlegg ég for­eldr­um að fylgj­ast mjög vel með því sem ung­ling­ar eru að gera í dag. Vera hluti af líf­inu þeirra og að setj­ast reglu­lega niður með þeim. Finna leiðir til að þeir geti öðlast lífið sem þau lang­ar í.

Svo ekki hika við að stíga inn í mömmu­hlut­verkið og að setj­ast niður með barn­inu þínu og finna leið til að það geti farið að upp­lifa lífið á skemmti­leg­an hátt í gegn­um fleira en tölvu­leiki.

Bestu kveðjur,

El­ín­rós Lín­dal ráðgjafi.

Ligg­ur þér eitt­hvað á hjarta? Þú get­ur sent El­ín­rós spurn­ingu HÉR. 

Tengd­ar frétt­ir

El­ín­rós Lín­dal ein­stak­lings-og fjöl­skylduráðgjafi

Hvað er til ráða fyr­ir konu sem drekk­ur of mikið?

• Hvað er til ráða til að auka traust á karl­mönn­um?
• Ný­skil­inn karl­maður leit­ar ráða vegna frekju fyrr­ver­andi
• Keypti hús með manni sem er rudda­leg­ur við dæt­urn­ar - hvað er til ráða?
• Hvar eru all­ir menn­irn­ir sem eru um 60 ára?

» Fleiri tengd­ar frétt­ir

• Blogga um frétt