Stein­unn Ýr Hilm­ars­dótt­ir hef­ur verið au-pair á Ítal­íu hjá Emil Hall­freðssyni og eig­in­konu hans Ásu Reg­ins­dótt­ur í tvö ár. Stein­unn Ýr fylg­ist með HM með yngri barni þeirra á Íslandi og seg­ir að mótið hafi verið í und­irmeðvit­und­inni síðustu mánuði. 

Frétt af mbl.is

„Ég neita því ekki að hjartað slær hraðar“

Hvernig kom það til að þú byrjaðir að starfa sem au-pair hjá Emil og Ásu?

„Ég rakst á aug­lýs­ing­una hjá Ásu á Face­book þar sem hún óskaði eft­ir au-pair til að koma og vera með þeim þegar þau fluttu frá Verona til Udine á Ítal­íu. Ég var ekki lengi að hugsa mig um og sendi Ásu strax skila­boð,“ seg­ir Stein­unn Ýr. 

Hvernig mynd­ir þú lýsa hefðbundn­um degi þínum sem au-pair?

„Það er eng­in dag­ur eins en dag­arn­ir hjá mér byrja oft­ast mjög ró­lega á virk­um dög­um þar sem Emil fer með krakk­ana í skóla og leik­skóla. Við Ása nýt­um oft morg­ana til að fara á æf­ingu eða klára vinna til dæm­is í Pom Poms & co og und­ir­búa næsta Pop up-markað. Seinni part­inn sæki ég krakk­ana og fer með Em­anu­el á æf­ing­ar eða við reyn­um að gera eitt­hvað skemmti­legt sam­an fram að kvöld­mat. Ég og Ása sjá­um um að elda kvöld­mat­inn sam­an. Þess á milli að sinni ég létt­um heim­ilistöfr­um.“

Hvað er það besta við að vera au-pair?

„Það er fyrst og fremst að fá að eyða tím­an­um með börn­un­um, tæki­færi til að ferðast og upp­lifa aðra menn­ingu.“

Stein­unn Ýr ásamt börn­um Emil og Ásu þeim Em­anu­el og Andr­eu Al­exu. Ljós­mynd/​Aðsend

Hvað hef­ur þú lært á dvöl þinni hjá fjöl­skyld­unni á Ítal­íu? 

„Ég hef lært heil­an hell­ing af Ásu og Emil sem ég er mjög þakk­lát fyr­ir. Fyrst og fremst lærði ég á það hvernig fót­bolta­lífið virk­ar og get­ur verið jafn skemmti­legt eins og það er erfitt. Ása hef­ur kennt mér að elda heil­an hell­ing af góðum mat og lært að lifa heil­brigðum líf­a­stíl. Einnig hef ég lært fullt í viðskipt­um enda fullt fengið að taka þátt í þeirra viðskipt­um. Síðast ekki síst eru það krakk­arn­ir sem eru alltaf að kenna mér eitt­hvað skemmti­legt alla daga, Em­anu­el hef­ur kennt mér það litla sem ég kann í Ítölsku.“

Smitaðist þú af HM und­ir­bún­ingn­um og spenn­ingn­um í gegn­um starfið?

„Já al­gjör­lega, HM var alltaf í und­irmeðvit­und­inni síðustu mánuði enda mik­il­vægt að Emil gæti verið að æfa vel og þyrfti ekki að hafa áhyggj­ur af Ásu einni heima með krakk­ana.“

Ferð þú til Rúss­land?

„Nei, ég fer ekki til Rúss­land held­ur er ég heima með Andr­eu Al­exu á meðan Ása og Em­anu­el fara út á fyrstu tvo leik­ina.“

Fylg­ist þið með leikj­um Íslands?

„Já við fylgj­umst alltaf spennt með leikj­um, hvort sem það er á vell­in­um eða í sjón­varp­inu heima. Stemm­ing­in er mik­ill í kring­um lands­leik­ina enda oft­ast sem allt Ísland tek­ur þátt í að styðja strák­ana.“

Tengd­ar frétt­ir

HMxS­mart­land

Þvotta­bretti Rúriks slær í gegn

• Pakk­ar niður og sam­gleðst Aroni Ein­ari
• „Ég er ung­frú Ísland þú átt ekki séns“
• Enski þjálf­ar­inn sá best klæddi á HM
• Amm­an fékk loks sann­leik­ann út af HM

» Fleiri tengd­ar frétt­ir

• Blogga um frétt