Vala Val­týs­dótt­ir lögmaður svar­ar spurn­ing­um les­enda Smart­lands. Hér fær hún spurn­ingu frá eldri borg­ara sem velt­ir fyr­ir sér hvort líf­eyr­ir skerðist við sölu á húsi. 

Sæl Vala. 

Ég er eldri borg­ari á líf­eyri.

Lang­ar að spyrja hvort líf­eyr­inn skerðist ef ég sel hús sem ég byggði og hef búið í síðastliðin 6 ár og kaupi ódýr­ara hús eða sum­ar­hús til að búa í?

Kveðja, 

SS

Sæll eldri borg­ari. 

Sam­kvæmt ákvæðum tekju­skattslaga þá er sölu­hagnaður íbúðar­hús­næðis und­anþeg­inn skatt­lagn­ingu, að því gefnu að rúm­metr­ar þess ásamt öðrum fast­eign­um í eigu viðkom­andi séu ekki um­fram 600 eða 1200 ef viðkom­andi er í hjú­skap ásamt því að eign­ar­tími selj­anda hafi verið a.m.k. 2 ár. Hins veg­ar gilda þessi stærðarmörk ekki þegar um er að ræða íbúðar­hús­næði til eig­in nota, þ.e. þá er sölu­hagnaður­inn ekki skatt­skyld­ur til tekju­skatts.

Hvað varðar skerðingu elli­líf­eyr­is þá hafa skatt­skyld­ar tekj­ur hafa áhrif á greiðslur frá Trygg­inga­stofn­un.

Ef sala á íbúðar­hús­næði mynd­ar ekki skatt­skyld­an sölu­hagnað eins og virðist vera í þessu til­viki þá hef­ur sal­an ekki áhrif á greiðslur líf­eyr­is frá Trygg­inga­stofn­un.

Kær kveðja, 

Vala Val­týs­dótt­ir lögmaður

Ligg­ur þér eitt­hvað á hjarta? Þú get­ur sent Völu og öðrum lög­mönn­um á Lög­fræðistofu Reykja­vík­ur spurn­ingu HÉR. 

Tengd­ar frétt­ir

Spurðu lög­mann­inn

Má leigja út íbúð for­eldr­is sem er á hjúkr­un­ar­heim­ili?

• Hvað verður um eign­ir hins látna ef viðkom­andi var í sam­búð?
• Má móðir sem sit­ur í óskiptu búi eyða eins og eng­inn sé morg­undag­ur­inn?
• Má ganga að laun­um vegna smá­lána?
• Hver erf­ir hjón ef þau deyja á sama tíma?

» Fleiri tengd­ar frétt­ir

• Blogga um frétt