Eymundur Sveinn Einarsson endurskoðandi hjá Endurskoðun og ráðgjöf svarar spurningum lesenda Smartlands. Hér fær hann spurningu frá hönnuði sem veltir fyrir sér hvort hann geti leigt sjálfri sér heimaskrifstofuna. 

Hæ

Ég er sjálfstætt starfandi hönnuður. Ég er með skrifstofu heima sem ég nota mikið varðandi starfið mitt. Ef ég væri að leigja sambærilegt skrifstofuhúsnæði væri ég að borga um 150 þúsund á mánuði í leigu.

Má ég ekki bara leigja af mér skrifstofuna mína heima?

Kveðja, 

Þ

Sæll kappi,

Jú þú mátt það, en skattalega er það einfaldlega bara alger þvæla. Þú getur vafalaust sett „húsaleiguna“ í kostnað, en á sama hátt verður þú að tekjufæra húsaleigutekjur á móti þannig að í lok dagsins fer þetta í hring og hefur nákvæmlega engan tilgang, hvorki skattalegan né annan. Ég verð líka að benda þér á að svona „húsaleigutekjur“ bera ekki 11% skatt. Það er einungis um að ræða húsaleigutekjur af íbúðarhúsnæði til einstaklinga, en ekki útleiga á skrifstofu, þrátt fyrir að hún sé mögulega í íbúðarhúsnæði.

Kveðja, 

Eymundur

Liggur þér eitthvað á hjarta? Þú getur sent Eymundi spurningu HÉR. 

Tengdar fréttir

Spurðu endurskoðandann

Ósáttur pípari leitar ráða því hann borgar allt of mikinn skatt

• Getur tannlæknir skráð jeppann á fyrirtækið sitt?
• Þarf að borga skatt af arfi frá Þýskalandi?
• Þurfa áhrifavaldar að borga skatta af andlitskremum og gjöfum?
• Þarf að greiða skatta af Onlyfans-vinnu?

» Fleiri tengdar fréttir

• Blogga um frétt