Í mjög svo sveiflu­kenndu alþjóðaum­hverfi hef­ur traust orðið ein af mik­il­væg­ustu stoðum alþjóðaviðskipta, hvort sem um ræðir viðskipti á milli landa eða sam­skipti við viðskipta­vini og birgja. Ef traustið er ekki til staðar geta þau viðskipti og viðskipta­sam­bönd sem mestu hafa lofað brugðist vegna efa­semda, mistúlk­un­ar og átaka.

Þetta seg­ir Dr. Nig­el R. Bair­stow, rann­sak­andi og fræðimaður við Tækni­há­skól­ann í Sidney, Ástr­al­íu. 

Traust ein­fald­ar flókn­ari viðskipti, dreg­ur úr áhættu og óvissu í viðskipt­um og ger­ir fyr­ir­tækj­um og lönd­um kleift að taka þátt í sam­starfs­verk­efn­um, deila viðkvæm­um upp­lýs­ing­um og verja auðlind­ir með meiri trú­verðug­leika. Þegar traust er til staðar verða aðilar frek­ar til­bún­ir til að taka strategíska áhættu, prófa ný­sköp­un og ýta und­ir lang­tíma­skuld­bind­ingu.

Traust þarfn­ast stöðugs viðhalds. Medienst­ur­mer/​Unsplash

„Til að mynda ef traust­ur sam­starfsaðili stend­ur ekki við lof­orð vegna ófyr­ir­séðra aðstæðna, get­ur viðskipta­sam­bandið samt sem áður hald­ist óbreytt vegna þess að traustið leyf­ir hlutaðeig­andi að njóta vaf­ans.“

Traust í viðskipta­sam­bönd­um er margþætt en fræðimenn skipta því í þrjá flokka eft­ir hvaða spurn­ing­um það svar­ar: 1) Geta þeir gert það sem þeir segj­ast munu gera? 2) Fara þeir eft­ir siðferðis­regl­um og virða skuld­bind­ing­ar? 3) Bera þeir hag okk­ar fyr­ir brjósti?

Traust má ekki líta á sem stöðuga auðlind sem hald­ist óbreytt. Það er dýna­mísk­ur þátt­ur sem fel­ur í sér áfram­hald­andi breyti­leika í tengsl­um við aðstæður og um­hverfið. Traust krefst stöðugs viðhalds.

Psychology Today

Tengd­ar frétt­ir

Frama­kon­ur

Sigrún Ósk kom­in með nýtt starf

• „Þetta er gæðastimp­ill og ótrú­lega dýr­mæt reynsla“
• Upp­lifði skömm þegar hún var yngri
• Kynnt­ust í átt­unda bekk og eiga nú sam­an fyr­ir­tæki
• Una hætt að vinna fyr­ir Höllu Tóm­as­dótt­ur

» Fleiri tengd­ar frétt­ir

• Blogga um frétt