Ey­mund­ur Sveinn Ein­ars­son, end­ur­skoðandi hjá End­ur­skoðun & ráðgjöf, svar­ar spurn­ing­um les­enda Smart­lands. Hér fær hann spurn­ingu frá manni sem hef­ur áhyggj­ur af skatt­greiðslum.

Komdu sæll!

Ég er með Airbnb og lenti í mikl­um hremm­ing­um í einka­líf­inu og varð hrein­lega að verða mér út um pen­inga. Það sem ég gerði var að leigja út íbúðina á Airbnb fyr­ir 7 millj­ón­ir eitt árið og 6 það næsta. Kannski ekki það gáfu­leg­asta en nauðsyn­legt á þeim tíma. Nú bíð ég bara eft­ir að skatt­ur­inn taki í lurg­inn á mér. Við hverju má ég bú­ast?

Kveðja,

Sæll kappi,

Ekki gott mál en ég vona að þess­ar auka­tekj­ur hafi náð að hjálpa þér en því miður ef þetta er ekki rétt fram talið til skatts þá er þetta eins og að pissa svaka­lega í skóna sína og allt um kring. Án þess að ég setji mig í hlut­verk kvíðameðferðarsér­fræðings þá er ekki heppi­legt að bæta áhyggj­um af skatta- og pen­inga­mál­um ofan á hremm­ing­ar í einka­líf­inu, sér­stak­lega í ljósi þess hversu meðvitaður þú ert um að þetta séu ófram­tald­ar tekj­ur.

Nú ætl­ar skatt­ur­inn í sjálfu sér ekk­ert að taka í lurg­inn á þér en menn verða víst að fara að lög­um og skila skött­um af tekj­um sín­um hvernig svo sem aðstæður eru uppi við öfl­un þeirra. Mjög gróf­ir út­reikn­ing­ar benda til að af þess­um 13 millj­ón­um myndu tvær fyrstu millj­ón­irn­ar falla und­ir heimag­ist­ingu sem bera 22% skatt eða um 440 þúsund krón­ur. Af hinum 11 millj­ón­un­um myndi u.þ.b. 1 millj­ón reikn­ast í virðis­auka­skatt og síðan væri af­kom­an skatt­lögð í venju­leg­um at­vinnu­rekstr­ar­skatti sem er á bil­inu 37- 46%, þar að auki reikn­ast trygg­inga­gjald af reiknuðu end­ur­gjaldi sem er 6,35% og síðan lög­bundið fram­lag til líf­eyr­is­sjóða sem er 15,5%.

Mjög gróf­ir út­reikn­ing­ar myndu því enda í:

· Fjár­magn­s­tekju­skatt­ur 440 þúsund

· Trygg­inga­gjald 400 þúsund

· Líf­eyr­is­sjóður um 900 þúsund

· Virðis­auka­skatt­ur 1 millj­ón.

· Tekju­skatt­ur og út­svar um 2,8 millj­ón­ir

Sam­tals skatt­ar og önn­ur gjöld sam­tals um 5,5 millj­ón­ir til greiðslu. Ofan á þetta myndu bæt­ast 25% álag og síðan drátt­ar­vext­ir frá gjald­daga.

Þess­ar 5,5 millj­ón­ir sem ég reiknaði mjög gróf­lega út eru ein­fald­lega þau gjöld sem menn eru al­mennt að skila af slík­um tekj­um og ekk­ert óeðli­legt við það. Í þínu til­felli myndi bæt­ast við 25% „refsi­álag“ fyr­ir það að telja þetta ekki fram auk þess sem drátt­ar­vext­ir myndu reikn­ast á þetta allt og þetta verður bara stærri og stærri bolti eft­ir því sem lengra líður.

Ég ráðlegg þér því að gera hreint fyr­ir þínum dyr­um og þú ert í dauðafæri að losna við 25% álagið af seinna ár­inu þar sem kæru­frest­ur vegna 2024 er ekki út­runn­inn. Auk þess er rétt að benda þér á ákvæði 108. gr. laga um tekju­skatt þar sem skatt­ur­inn get­ur mögu­lega fellt niður 25% álagið af fyrra ári ef skattaðila (þér) verður eigi kennt um þá ann­marka sem voru á fram­tal­inu (tekj­ur ekki tald­ar fram). Ég er þá að vísa í um­rædd­ar hremm­ing­ar í einka­líf­inu en þess ber að geta að þetta und­anþágu­ákvæði er túlkað mjög þröngt.

Eft­ir að rétt­um skatt­fram­töl­um hef­ur verið skilað inn og þau af­greidd mun rétt greiðslu­staða liggja fyr­ir. Mín reynsla er að Skatt­ur­inn hef­ur sýnt veru­leg­an samn­ings­vilja við greiðslu­dreif­ing­ar á gjald­fölln­um skött­um og ef­ast ég ekki um að um slíkt verði að ræða í þínu til­viki.

Gangi þér allt í hag­inn.

Kveðja,

Ey­mund­ur Sveinn Ein­ars­son, end­ur­skoðandi. 

Ligg­ur þér eitt­hvað á hjarta? Þú get­ur sent Ey­mundi spurn­ingu HÉR

Tengd­ar frétt­ir

Spurðu end­ur­skoðand­ann

„Siðferðis­lega er þetta al­gert siðþrot“

• „Hverj­ir eru kost­ir og gall­ar þess að stofna einka­hluta­fé­lag?“
• Er hag­stæðara að leigja eign­ina eða selja?
• Er sniðugt að skrá íbúðina sína á fyr­ir­tækið?
• Borg­ar sig að flytja til Svíþjóðar til að borga minni erfðafjárskatt?

» Fleiri tengd­ar frétt­ir

• Blogga um frétt