Leikkonan Julia Fox hætti með tónlistarmanninum og ólíkindatólinu Kanye West á dögunum. Hún lét sambandsslitin á dögunum ekki á sig fá og opnaði tískusýningu LaQuan Smith á tískuvikunni í New York á mánudaginn. 

Fox var í svörtum síðkjól með klauf úr satínefni. Kjóllin vakti sérstaka athygli þar sem hann var opinn að framan en á sama tíma með rúllukraga og síðerma. Fox gekk tískupallinn á Velentínusardaginn, sama dag og hennar fyrrverandi sendi Kim Kardashian heilan bíl fullan af rósum. Á vef Vogue er kjólnum lýst sem „hefndarkjól“.

„Julia hefur verið stúlkan mín frá degi eitt,“ sagði fatahönnuðurinn Smith í viðtali við WWD. „Julia hefur stutt mig frá því snemma á mínum ferli.“ Smith fannst þetta rétti tíminn til að láta Fox njóta sín á tískupallinum sínum. 

Hér fyrir neðan má sjá fleiri myndir frá því þegar LaQuan Smith sýndi haustlínu sína á tískuvikunni í New York.