„Hann hefði drepið mig“

Í Dag­mál­um á dög­un­um opnaði söng­kon­an Alda Björk Ólafs­dótt­ir sig um of­beldi sem hún varð fyr­ir af hálfu fyrr­ver­andi kær­asta síns. Of­beldið átti sér stað á sama tíma og hún var á hápunkti tón­list­ar­fer­ils­ins og hafði það mik­il áhrif á hana. Enda var hún bæði ung að árum og að reyna máta sig inn í nýj­an veru­leika þar sem frægð og frami blöstu við henni. Seg­ir hún of­beldið hafa verið sér mikið áfall sem erfitt hafi verið að vinna sig úr. 

Grét við tök­ur á lag­inu Stop

Alda seg­ir þessa slæmu lífs­reynslu hafa litað til­finn­inga­líf henn­ar dökk­um lit­um. Þó hafi hún reynt að vera opin með það sem hafði gerst. Til dæm­is með því að leyfa sögu sinni og upp­lif­un­um að hljóma í gegn­um lög sín. 

„Þetta er smá byggt á minni eig­in sögu. Það er til dæm­is eitt lag sem heit­ir Stop sem mér finnst ofsa­lega erfitt að hlusta á. Ég get eig­in­lega ekki hlustað á það vegna þess að ég fer alltaf að gráta þegar ég heyri það,“ seg­ir Alda. „Þegar ég er að syngja þetta lag þá er ég að gráta á meðan.“

Um hvað er lagið? 

„Þetta snýst um of­beldi í sam­bandi. Ég lenti í svo­leiðis,“ seg­ir hún og seg­ist hafa verið auðveld­ara fórn­ar­lamb á þeim tíma­punkti vegna ungs ald­urs, aðstæðna og reynslu­leys­is. 

Reyndi að kom­ast út úr of­beld­is­sam­band­inu

„Ég var svo ung og ég var ekki orðin þessi mann­eskja sem ég er í dag,“ seg­ir Alda með áherslu. „Þegar ég reyndi að segja hon­um að þetta væri búið og að ég vildi ekki halda þessu áfram og var að reyna að hætta með hon­um þá bara brosti hann og sagði bara: „Ég veit þú elsk­ar mig, hættu þessu greyið mitt.“ Þetta var svona sál­fræðilegt of­beldi,“ út­skýr­ir Alda sem seg­ist jafn­framt hafa verið beitt lík­am­legu og and­legu of­beldi. 

„Þó svo að heil­inn í mér hafi aðeins úti­lokað þetta of­beldi frá hon­um þá urðu systkini mín vitni að því líka.“

Alda seg­ist hvað eft­ir annað hafa reynt að kom­ast und­an of­beld­is­sam­band­inu. Það hafi henni ekki tek­ist svo glatt því of­beld­ismaður­inn hafði tang­ar­höld á henni. 

„Ég vissi að eina leiðin fyr­ir mig til að brjót­ast út úr þessu væri sú að eign­ast ann­an kær­asta. Ég var búin að kynn­ast öðrum manni í gegn­um vinn­una og vissi að hann væri hrif­inn af mér svo ég ákvað í raun­inni bara að fara að vera með hon­um og fá að flytja heim til hans af því að hinn vissi ekk­ert hvað hann ætti heima og það veitti mér ör­ygg­is­til­finn­ingu,“ seg­ir Alda og var með þann eina ásetn­ing að losna und­an of­beld­is­mann­in­um.

„Það tókst. Þangað til að hann fór aft­ur að reyna að hafa uppi á mér og leita að mér,“ seg­ir hún og rifjar upp at­vik sem mun aldrei falla henni úr minni svo lengi sem hún lif­ir.   

„Hann reyndi að ræna mér“

„Í síðasta skipti sem ég sá hann þá reyndi hann að ræna mér. Við vor­um á bens­ín­stöð, ég og nýi kærast­inn minn. Hann fer inn að borga og ég sit úti í bíl á meðan. Þá kem­ur hann, of­beld­ismaður­inn, á þess­um græna ógeðslega bíl sem hann átti, og bað mig um að koma inn í bíl til sín því hann langaði svo til að biðja mig af­sök­un­ar á hinu og þessu. Og ég fer út úr bíln­um og inn í hans og spyr hvað hann vilji,“ út­skýr­ir Alda og rek­ur alla sög­una.

„Það sem bjargaði mér var að ég var með ann­an fót­inn út fyr­ir þannig að bíl­h­urðin lokaðist ekki. Vegna þess að þegar ég er kom­in inn í bíl þá ýtti hann á læs­ing­una sem læs­ir öll­um hurðum og brunaði af stað. En af því að ég var með ann­an fót­inn út fyr­ir hurðina þannig að hún læst­ist ekki þá gat ég hent mér út. Ég henti mér út úr bíln­um.“

Mér þykir leitt að heyra að þú haf­ir lent í þessu.

„Já, og ég veit það, eft­ir að hafa horft mikið á saka­málaþætti í gegn­um tíðina, að þetta er al­veg 100% týp­an sem hefði farið með mig eitt­hvert og hann hefði drepið mig.“

Smelltu á hlekk­inn hér að neðan til að hlusta eða horfa á viðtalið í heild. 

„Mín ást á tónlist dó þarna“

• Blogga um frétt