Guðrún Ósk Leifs­dótt­ir er einn af kepp­end­un­um í ann­arri seríu af Big­gest Loser Ísland. Hún er 20 ára og starfar þessa stund­ina á elli­heim­ili. Hún er 140 kg.

Hef­ur þú alltaf verið svona þung? Já, frek­ar þybb­in.

Hef­ur þú fundið fyr­ir for­dóm­um vegna þyngd­ar þinn­ar? Já, því miður þá eru mjög mikl­ir for­dóm­ar gagn­vart þyngd hér á landi. Ég finn fyr­ir þeim tals­vert.

Hvað var erfiðast í Big­gest Loser-ferl­inu? Að tala um fortíðina og af hverju maður er kom­inn í þessa stöðu, hvað það var sem gerðist.

Hvað viltu segja við þá sem þrá að létt­ast en kom­ast ekki úr spor­un­um? Að fá hjálp og koma sér af stað, með réttu hjálp­inni ger­ist það. Líka þarf að setja sér mark­mið og spyrja sig hvar maður vilji vera eft­ir x lang­an tíma, hversu þung/þ​ung­ur? Hug­ar­farið verður líka að vera til staðar.

Hef­ur þyngd­in gert það að verk­um að þú hef­ur ekki látið drauma þína ræt­ast? Nei og já, maður er nátt­úr­lega alltaf að pæla í því hvað maður get­ur gert vegna þyngd­ar, t.d. hvort maður passi í sætið í flug­vél­inni. Maður get­ur nefni­lega ekki gert allt vegna þyngd­ar.

Hvað mynd­ir þú vilja vera þung? 75 kg. Þá mundi ég vera mjög ham­ingju­söm.

Hvað veit­ir þér mesta lífs­fyll­ingu? Að vera lif­andi, geta hreyft mig og tekið þátt í líf­inu.

Tengd­ar frétt­ir

Big­gest Loser Ísland

„Ég get varla lýst til­finn­ing­unni“

• Big­gest Loser kepp­andi læt­ur það vaða
• Big­gest Loser-barnið fætt
• Dressaði sig upp fyr­ir 250.000
• Fór niður um 10 fata­stærðir

» Fleiri tengd­ar frétt­ir

• Blogga um frétt