Marg­ir falla í þá gryfju að halda að hita­ein­ingasnauðir drykk­ir með gervisætu séu betri kost­ur en sykraðir drykk­ir. Málið er þó ekki al­veg svo ein­falt.

Rann­sókn­ir benda til þess að gervisyk­ur sé síður en svo góður kost­ur fyr­ir heils­una. Í ný­legri rann­sókn sem birt­ist í tíma­rit­inu Nature Medic­ine kom í ljós að eryth­ritol ætti mögu­lega þátt í verri hjarta­heilsu. Tekn­ar voru blóðpruf­ur úr 1157 þátt­tak­end­um rann­sókn­ar­inn­ar. Þeir ein­stak­ling­ar sem mæld­ust með hvað mest eryth­ritol voru lík­leg­ir til þess að fá hjarta­áfall eða heila­blóðfall inn­an þriggja ára. Aðrar rann­sókn­ir hafa einnig stutt þessa kenn­ingu um eryth­ritol.

Hef­ur áhrif á flór­una, blóðsyk­ur og mat­ar­lyst

Þá hafa rann­sókn­ir bent til þess að gervisyk­ur hef­ur nei­kvæð áhrif á efna­skipti lík­am­ans, blóðsyk­urs­stjórn­un og mat­ar­lyst.

„Mat­væla­fram­leiðend­ur hafa sett gervisyk­ur í nán­ast allt. Áður fyrr fannst þetta bara í gos­drykkj­um en nú er hægt að finna þessi efni í öllu mögu­legu eins og til dæm­is sós­um, súp­um, tann­kremi og jóg­úrt,“ seg­ir Linda Patel lækn­ir í viðtali við The Times.

„Gervisyk­ur er slæm­ur fyr­ir flór­una og blóðsyk­ur­inn. Það er kald­hæðnis­legt að gervisyk­ur skuli hafa sömu áhrif á blóðsyk­ur­inn og venju­leg­ur syk­ur en þarna er um að ræða flókið sam­spil horm­óna og bragðs sem trufla þessa stjórn­un.“

Tengd­ar frétt­ir

Nær­ing & Heilsa

„Stund­um þarf maður að rífa sig upp“

• Bráð bris­bólga al­geng auka­verk­un þyngd­ar­stjórn­un­ar­lyfja
• Mataræðið sem gef­ur húðinni ljóma
• Heilsu­sam­leg­ur bleik­ur drykk­ur
• Glút­en­laus­ar vöffl­ur sem eiga eft­ir að slá í gegn

» Fleiri tengd­ar frétt­ir

• Blogga um frétt