Davíð Goði Þor­varðar­son kvik­mynda­gerðarmaður hef­ur síðastliðið ár bar­ist fyr­ir lífi sínu eft­ir að hafa greinst með lífs­hættu­leg­an og óþekkt­an sjúk­dóm. Á sama tíma upp­lifði hann sig í góðu formi og heil­brigðari sem aldrei fyrr og því reynd­ust fregn­irn­ar hon­um afar þung­bær­ar. 

Davíð Goði var staðráðinn í að gera allt það sem í hans valdi stóð til að ná bata og þakk­ar föður sín­um, Þor­varði Goða Guðrún­ar­syni, fyr­ir gott vega­nesti sem hann veitti í upp­vext­in­um og hafði mik­il áhrif á hug­ar­farið í veik­inda­ferl­inu.

„Hann sagði alltaf við mig: „þú get­ur gert það sem þú vilt bara ef þú legg­ur nógu hart að þér og vinn­ur nógu mikið í því þá get­urðu gert allt sem þú vilt. All­ir draum­ar og allt, þetta er allt aðgengi­legt fyr­ir þig“,“ seg­ir Davíð Goði um föður sinn, en sam­an reka þeir feðgar fram­leiðslu­fyr­ir­tækið Skjá­skot.

Frétt af mbl.is

Fann hvernig lík­am­inn var að deyja

Óhrædd­ur við óhefðbundn­ar leiðir

„Ég hef alltaf trúað því að ef ég reyni nógu mikið og legg nógu hart að mér þá get ég náð mark­miðunum sem ég vil ná. Þess vegna hef ég alltaf farið frek­ar óhefðbundn­ar leiðir í öllu,“ út­skýr­ir hann.

„Ég held að þetta sé klár­lega eitt af mín­um sterk­ustu karakt­er­ein­kenn­um. Ég missi nán­ast aldrei neina trú á því sem ég er að gera og á sjálf­um mér yf­ir­höfuð. Það ger­ir allt svo­lítið bjart­ara í mín­um heimi. Maður horf­ir aldrei á hlut­ina eins og þeir séu al­veg öm­ur­leg­ir og glataðir held­ur hef­ur maður alltaf ein­hverja trú á því að hlut­irn­ir geti orðið betri.“

Davíð Goði Þor­varðar­son er mik­il fyr­ir­mynd. Ljós­mynd/​Aðsend

Lifði sínu besta lífi þar til veik­ind­in báru að

Að sögn Davíðs Goða var líf hans á ákveðnum hápunkti í byrj­un árs 2024; allt gekk svo vel og óráðin framtíðin blasti við bjart­ari en sól­in. Þar til ver­öld­in hrundi í mars­mánuði það sama ár. 

„Fyr­ir­tækið hafði aldrei staðið bet­ur, ég var í mínu besta lík­am­lega formi allra tíma, við kær­ast­an vor­um á frá­bær­um stað í sam­band­inu okk­ar og allt á upp­leið. Við vor­um að tala um að fara eign­ast börn sam­an og allt lék í lyndi eins og maður seg­ir,“ lýs­ir Davíð Goði sem hafði eng­an grun um þau hryggi­legu ör­lög sem biðu hand­an horns­ins.

„Svo í mars 2024 þá fer ég til augn­lækn­is. Ég hafði verið með ein­kenni í aug­un­um sem voru að valda blind­um blett­um,“ seg­ir hann og hafði smá­vægi­leg­ar áhyggj­ur af blett­un­um vegna starfs hans sem ljós­mynd­ari og kvik­mynda­gerðarmaður. Þar get­ur góð sjón skipt sköp­um. 

Davíð Goði hafði ekki hug­mynd um hvaða verk­efni biði hans eft­ir augn­lækna­skoðun­ina. Ljós­mynd/​Aðsend

Blóðtapp­ar í aug­um ollu blindu

Við hefðbundna skoðun hjá augn­lækni kom í ljós að eitt­hvað óeðli­legt ætti sér stað í lík­ams­starf­semi Davíðs Goða. Eitt­hvað sem ekki var aug­ljóst og augn­lækn­ir­inn átti ekki auðvelt með að leggja mat á. 

„Þeir taka mig í fleiri mynd­rann­sókn­ir og segja mér að ég gæti mögu­lega verið með of háan blóðþrýst­ing eða ein­hver hjarta­vanda­mál,“ seg­ir Davíð Goði en við frek­ari rann­sókn­ir kom í ljós að hann hafði fengið blóðtappa í aug­un sem höfðu haft áhrif á augn­frum­urn­ar og valdið var­an­legri blindu á af­mörkuðum svæðum. Í dag er Davíð Goði með skerta sjón á öðru auga en hann seg­ir að um lít­inn blett sé að ræða sem haml­ar hon­um lítið sem ekk­ert í dag­leg­um at­höfn­um.

Davíð Goði gekkst bæði und­ir hvít­blæðameðferð og bein­mergs­skipti í Svíþjóð síðastliðið haust. Ljós­mynd/​Aðsend

„Það var samt svo­lítið erfitt að fá eitt­hvað svona því maður hef­ur aldrei verið að fást við neitt heilsu­far­stengt og aldrei þurft að lenda í ein­hverju svona,“ seg­ir hann í meðfylgj­andi mynd­skeiði en viðtalið má nálg­ast í heild sinni með því að smella á hlekk­inn hér að neðan. 

Fann hvernig lík­am­inn var að deyja

Tengd­ar frétt­ir

Dag­mál

Hefði viljað að fleiri flokk­ar styrktu Sam­stöðina

• Tvö­föld þjóðar­at­kvæðagreiðsla um ESB
• Órói í sam­fé­lag­inu og gild­um ógnað
• Lyk­ilþætt­ir í lífs­stíl for­sæt­is­ráðherra
• „Fyrst og fremst stolt af þjóðinni minni“

» Fleiri tengd­ar frétt­ir

• Blogga um frétt