Ein­hvern tím­ann heyrðist sagt að ef blý­anti væri komið fyr­ir und­ir rasskinn­un­um og hann héld­ist þar þá væri allt farið að síga og jafn­vel kom­inn tími til að lyfta öllu upp. Hef­urðu prófað?

Aft­ur­end­ar hafa fyllt miðlana, frétta- og sam­fé­lags­miðla, síðustu árin. Ef­laust hef­ur raun­veru­leikaþátta­stjarn­an Kim Kar­dashi­an átt ein­hvern þátt í því en það er „í tísku“ að hafa mjaðmir og rass – því meira því betra – að því er virðist.

Í sum­um til­fell­um er full­mikið af því góða og stór­ir kúlurass­ar eru oft ekki fengn­ir með æf­ing­un­um ein­um sam­an held­ur með aðstoð lýta­lækna en það er bæði kostnaðarsamt og sárs­auka­fullt og ekki fyr­ir alla að taka þátt í slíku. Hin ágæta Kar­dashi­an hef­ur einnig látið fram­leiða hjóla­bux­ur með áföst­um rassa­púðum fyr­ir vörumerki sitt SKIMS. Ef um­sagn­ir um þess­ar framúr­stefnu­legu bux­ur eru skoðaðar má sjá að þær eiga það til að síga niður og púðarn­ir með, fyr­ir utan það líkti ein­hver notk­un buxn­anna við það að vera með bleyju.

Og fyr­ir þá sem nenna ekki að liggja á mag­an­um svo vik­um skipt­ir til að ná bata eft­ir „brazili­an butt­lift“-aðgerðina eða vera með gervi­púðana laf­andi niður á aft­an­verð læri, þá þarf aðeins smá­veg­is aga og kannski eitt stykki jóga­dýnu til að halda hug­mynd­inni um æðis­leg­an aft­ur­enda til streitu. 

Það er mjög hvetj­andi að gera æf­ing­ar í hóp og mörg­um finnst það mun skemmti­legra, hins veg­ar gefst ekki alltaf tími til að mæta í rækt­ina og því má al­veg redda á dýn­unni heima í stofu. bruce mars/​Unsplash

Æfing­arn­ar heima í stofu

En hver er þessi glu­teus max­im­us? Sterk­ur aft­ur­endi er ekki ein­ung­is góður fyr­ir út­litið, þótt það sé vissu­lega spenn­andi að vera með kúlurass, held­ur er glu­teus max­im­us stærsti vöðvi lík­am­ans. Hann gegn­ir m.a. því hlut­verki að veita mjöðmum og mjaðmagrind stöðug­leika, styður við neðra bak og ger­ir hreyf­ing­ar skil­virk­ari, eins og á göngu, í hlaup­um, hoppi og við lyft­ing­ar. 

Það fer víst ekki fram hjá þeim sem stunda lík­ams­rækt að fólk er í alls kyns stell­ing­um og ham­ast við æf­ing­ar sem geta al­veg virst fá­rán­leg­ar og jafn­vel kynþokka­full­ar, allt til þess fallið að styrkja aft­ur­end­ann. Það er vissu­lega skemmti­legt að vera í rækt­inni en tím­inn er ekki alltaf til staðar.

Pssst ... Butt­lift-æf­ing­ar er al­veg hægt að gera heima í stofu, án lóða, og þá þarf hvorki að klæða sig í íþróttafatnaðinn né keyra í rækt­ina, held­ur aðeins rúlla út dýn­unni og skella sér á gólfið. 

Í meðfylgj­andi mynd­bandi má sjá mjög skil­virk­ar, svo­lítið erfiðar, butt­lift-æf­ing­ar frá pila­tes-kenn­ar­an­um Lilly Sa­bri. Hún legg­ur mikla áherslu á að virkja vöðvana og stjórna hreyf­ing­un­um í æf­ing­um sín­um, sem er und­ir­staðan í pila­tes. Það get­ur verið óþolandi erfitt en það virk­ar!

Tengd­ar frétt­ir

Heilsu­rækt

Ný æf­ingalína ríka fólks­ins

• Þór­dís Lóa hef­ur öðlast nýtt líf
• „Ég reyni að blanda einka­líf­inu og vinn­unni ekki sam­an“
• Nokk­ur góð ráð fyr­ir þá sem kunna sig ekki í rækt­inni
• Fagnaði 49 ára af­mæl­inu með átta kíló­metra hlaupi

» Fleiri tengd­ar frétt­ir

Guðrún Sæ­mundsen skrif­ar

Ert þú strengja­brúða nars­iss­ist­ans?

• „Ertu bú­inn að skella þér í tunn­una?“
• „Ekki myndi ég fara í sleik við móður mína“
• „Þetta er mál­efni sem auðvelt er að hneyksl­ast yfir“
• Fjölást eða fram­hjá­hald?

» Fleiri tengd­ar frétt­ir

• Blogga um frétt