Notar brjóstamjólk sem hluta af húðrútínunni

Áhrifa­vald­ur­inn Qu­en­lin Blackwell not­ar brjóstamjólk frá syst­ur sinni sem hluta af húðum­hirðu sinni.

Hin banda­ríska Qu­en­lin Blackwell öðlaðist vin­sæld­ir í gegn­um smá­for­rit­in Vine og TikT­ok. Blackwell er einnig góð vin­kona heims­frægu söng­kon­unn­ar Charli XCX.

Blackwell sagði fylgj­end­um sín­um frá því að hún hefði síðastliðin fimm ár keypt brjóstamjólk af syst­ur sinni fyr­ir böð og and­lits­grím­ur. Hún seg­ir að fylgj­end­ur henn­ar skuli ekki van­meta þessa töfra­lausn fyr­ir húðina.

Húðlækn­ir­inn Dr. Na­ana Boa­kye seg­ir að þó svo að notk­un brjóstamjólk­ur í húðum­hirðu virðist óvenju­leg þá inni­haldi hún fjölda nær­ing­ar­efna sem geta verið gagn­leg fyr­ir út­lit húðar­inn­ar. Brjóstamjólk inni­held­ur til dæm­is A- og E-víta­mín sem geta róað og verndað húðina. Hún inni­held­ur einnig fitu­sýr­ur eins og pal­mitín­sýru og ol­íu­sýru sem hjálpa til við að gefa húðinni raka og styrkja hana.

Dr. Boa­kye seg­ir þó að brjóstamjólk sé ekki staðgeng­ill fyr­ir húðvör­ur sem hafa verið prófaðar af húðlækn­um, sér­stak­lega ef það er verið að meðhöndla ákveðin húðvanda­mál.

• Blogga um frétt