Ómar Ómars­son, eig­andi Sólbaðsstof­unn­ar Smart, læt­ur eng­an bil­bug á sér finna þó að sól­in skíni sitt skær­asta um þess­ar mund­ir og seg­ir að ásókn í ljósa­bekk­ina sé tölu­verð þrátt fyr­ir sól og hita í lofti.

Nú er sól­in ykk­ar helsti sam­keppn­isaðili, er mikið að gera hjá ykk­ur þegar hún læt­ur sjá sig með þess­um hætti?

„Já, það kæmi fólki nú al­veg á óvart. Það er kannski ekki sami æs­ing­ur og aðra daga en það er al­veg fínt að gera, sér­stak­lega þegar líður á dag­inn og á kvöldið,“ seg­ir Ómar létt­ur.

Hann bæt­ir við að fólk sem sitji inni all­an dag­inn í t.a.m. skrif­stofu­vinnu og horfi á sól­ina út um glugg­ann kíki til þeirra eft­ir vinnu svo að oft sé mikið að gera á kvöld­in. „Þá er ótrú­lega mikið að gera.“

Ómar bend­ir á að sól­in sé ekki beint að hjálpa þeim en af gef­inni reynslu mun aðsókn­in taka við sér á kvöld­in. „Það er al­veg ljóst að auðvitað er sól­in ekk­ert að hjálpa okk­ur eins og á svona dög­um en við vit­um það að þegar líður á dag­inn að þá mun birta yfir þessu.“

Úr bekkn­um á bakk­ann

Er fólk að koma og jafna út lit­inn hjá ykk­ur?

„Fólk er dug­legt. Það er að fara í sund, hend­ir sér í tíma áður og svo á bakk­ann. Maður sér að það er mjög vin­sælt,“ tek­ur Ómar fram en bend­ir á að meðan ró­legt sé þá fari tím­inn í að snur­fusa stof­una.

„Við not­um dag­inn núna í aukaþrif og að gera þetta snyrti­legt og fínt, nota tím­ann út af því að við fáum það kannski ekki alla daga. Það er bara þannig mikið að gera,“ seg­ir Ómar og bæt­ir við að lok­um að all­ir ættu að skella sér í ljós, óháð veðurfari.

Sam­kvæmt Ómari hef­ur Smart ný­lega end­ur­nýjað alla bekki hjá sér í nýj­ustu og tækni­leg­ustu bekki sem völ er á. Auka þeir D-víta­mín fram­leiðslu, stuðla að heil­brigðari húð og veita enn betri ár­ang­ur. Ljós­mynd/​Aðsend

Tengd­ar frétt­ir

Heilsu­rækt

Guðni Th. komst í mark á rúmri klukku­stund

• Hlaup voru kvöl, pína og blóðbragð í munni
• Ein­föld jógaæf­ing sem róar streitu­horm­ón og bæt­ir svefn
• „Þú finn­ur jafn­vel ást­ina í líf­inu“
• 80 kon­ur komu sam­an til að efla lík­ama og sál

» Fleiri tengd­ar frétt­ir

And­leg heilsa

Sam­keppni meðal kvenna meiri en karla

• „Loks­ins fann ég frið“
• Hlaup voru kvöl, pína og blóðbragð í munni
• Ein­föld jógaæf­ing sem róar streitu­horm­ón og bæt­ir svefn
• Kven­lær­in hafa sann­ar­lega mik­inn til­gang

» Fleiri tengd­ar frétt­ir

• Blogga um frétt