Það var auðvitað vel kom­inn tími á að mála og ég var alltaf harðákveðin í að hafa lit á veggj­un­um, fyrst var ég að spá í hluta al­rým­is­ins en svo ákvað ég að láta vaða og hafa lit­inn á öllu enda er svo mikið um stóra glugga og hurðir að rýmið þolir það vel,“ seg­ir Björk.

Það létti mikið á borðstof­unni eft­ir að Björk skipti um eld­hús­borð. Þetta borð og bekk­ina tvo keypti hún notað af hús­móoður í Hafnar­f­irði. mbl.is/Á​rni Sæ­berg

Því næst var farið í að skipta út eld­hús­borðinu sem er bæði notað sem eld­hús­borð og borðstofu­borð. Gamla borðið var orðið þreytt og Björk vildi fá inn létt­ari hús­gögn. Eik­ar­borðið og bekk­irn­ir sem urðu fyr­ir val­inu voru keypt­ir af hús­móður í Hafnar­f­irði sem var að breyta til hjá sér. Nýja borðið pass­ar vel við annað tré­verk í íbúðinni án þess að vera yfirþyrm­andi.

„Með því að vera með bekki í stað stóla stækk­ar rýmið gríðarlega, ég hefði varla trúað því. Eins var ég ekki al­veg viss með bekki, hvernig fíl­ing­ur það væri að all­ir sætu eig­in­lega sam­an en það ger­ir bara stemm­una við mat­ar­ar­borðið mikið skemmti­legri,“ seg­ir hún.

Bláu ljós­in yfir tang­an­um í eld­hús­inu pössuðu illa þegar búið var að mála íbúðina og setja inn nýja borðið og bekk­ina. Fyr­ir val­inu urðu loft­ljós úr Indiska í Kringl­unni en þar er að finna mjög fal­leg loft­ljós og lampa. Svip­ur­inn á eld­hús­inu breytt­ist mjög mikið þegar ljós­in voru kom­in upp.

Í íbúðinni voru hálfó­sýni­leg glugga­tjöld. Til þess að skapa meiri hlý­leika keypti Björk gard­ínu­efni í Vogue og lét sauma þau fyr­ir glugg­ann. Gard­ínukapp­inn í stof­unni kem­ur frá sömu versl­un. Áður var sófi und­ir glugg­an­um en nú er betra aðgengi að hon­um.

„Sól­bekk­ur­inn í stof­unni var óþarf­lega stór svo við minnkuðum hann með því að saga af hon­um um 15 sentí­metra og það létti tölu­vert á rým­inu. Ég var alltaf með rúll­ugard­ín­ur í þess­um glugg­um en fékk brjálæðisk­ast fyr­ir síðustu jól og reif þær niður, sem ég sá svo aft­ur aðeins eft­ir þegar sól fór að hækka á lofti og ekki var hægt að horfa á sjón­varpið. Ég var óviss um hvað ég ætti að gera í gard­ínu­mál­um og vildi alls ekki loka glugg­ana al­veg af. Ljós­ar þunn­ar gard­ín­ur voru því al­gjör­lega málið og breyttu ótrú­lega miklu. Rýmið varð ein­hvern veg­inn bæði hlý­legra og bjart­ara. Hvernig sem það er hægt.“

Sófa­settið á heim­il­inu var orðið mjög lúið. Þegar und­ir­rituð fór með Björk í sófa­leiðang­ur var lögð áhersla á að finna sófa sem hægt væri að liggja í fyr­ir fram­an sjón­varpið en hann mátti helst ekki kosta of mikið. Drauma­sóf­inn fannst í Hús­gagna­höll­inni. Hann kem­ur frá Furn­in­ova og er með áklæði sem hægt er að taka af og þvo. Til þess að búa til stemmn­ingu fékk Björk sér pullu í stíl við sóf­ann og mottu und­ir borðið til að skapa hlý­leika.

„Sóf­inn er æðis­leg­ur og pull­urn­ar halda sér vel, stund­um finnst mér svona pull­ur verða sjúskaðar en ekki í þess­um sófa. Ég verð svo að fá mér ann­an á móti – það er sleg­ist um plássið,“ seg­ir hún.

Mott­an und­ir sófa­borðinu setti punkt­inn yfir i-ið.

„Næsta verk­efnið verður að skipta út gól­f­efn­inu á íbúðinni en ég lagði ekki í það í þessu holli svo mott­an í stof­unni breyt­ir miklu. Einnig fékk ég renn­ing af vínyldúk úr missi­oni frá Par­ket og gólf. Þess­ir dúk­ar eru svo fal­leg­ir og hald­ast svo vel að ég helst myndi ég vilja setja þá á öll gólf,“ seg­ir hún.

Björk fékk bróður sinn til að flísa­leggja baðher­bergið og setja upp nýja inn­rétt­ingu úr IKEA. Hún lét líka filma glugg­ann upp á nýtt. mbl.is/Á​rni Sæ­berg

Það voru þó ekki bara stof­an og eld­húsið sem fengu and­lits­lyft­ingu því baðher­bergið var aðeins sjænað til. Björk var orðin mjög þreytt á baðher­berg­inu. Henni fannst það allt of dökkt og þráði að flísa­leggja það og fá inn létt­ari stemmn­ingu. „Baðher­bergið var múr­húðað þegar ég keypti íbúðina og mér óx það aðeins í aug­um að fara í að breyta því. Ég var aft­ur á móti svo hepp­in að bróðir minn lagði í það stóra verk­efni að sparsla alla veggi, svo fékk ég frænda minn múr­ar­ann til að flísa­leggja með þess­um fal­legu flís­um frá Álfa­borg, þær eru ljós­ar með fal­legu nettu mynstri sem brýt­ur þessa al­hvítu stemmn­ingu aðeins upp og eyk­ur á hlý­leik­ann. Málað hafði verið yfir filmuna sem var í glugg­an­um þegar ég keypti íbúðina, lík­lega til að koma í veg fyr­ir að sæ­ist inn og var það ekki mik­il prýði. Eg valdi mér mynstur á net­inu og fékk snill­ing­ana hjá Signa.is til að út­færa filmuna með mér. Þau svo komu, tóku hina úr og settu þessa upp á svona 10 mín­út­um. Hún hleyp­ir birt­unni inn en þó sést ekki út. Svo fékk ég mér nett­an baðskáp og vask í IKEA og munaði það miklu upp á plássið að gera, enda praktísk­ara að vera með skáp und­ir vask­in­um en bara borð,“ seg­ir hún.

Björk keypti nýj­an skó­skáp og lét taka vegg­fóðrið á veggn­um. Vegg­ur­inn var málaður í sama lit og öll íbúðin. Lit­ur­inn heit­ir Gamla bíó og kem­ur úr Slipp­fé­lag­inu. mbl.is/Á​rni Sæ­berg

Í for­stof­unni var dá­lítið kaó­tísk­ur skó­skáp­ur. Þegar ég benti Björk á að hann væri allt of áber­andi og op­inn og kannski ekki mik­il prýði fór hún í að finna ein­hverja aðra hirslu fyr­ir skóna. „Skór fjöl­skyld­unn­ar blöstu við þegar ég sat í sóf­an­um í stof­unni. Ég fékk mér því létt­an skó­skáp til að geyma þá og eins og annað rými þá stækkaði for­stof­an tölu­vert. Eins skipti ég út loft­ljósi fyr­ir nett­an kast­ara úr IKEA.“

Þegar Björk er spurð að því hvort þetta skipti yfir höfuð ein­hverju máli, það er að segja að hafa fínt hjá sér seg­ir hún svo vera.

„Mig var búið að langa að gera þetta lengi en þegar dag­skrá­in er alltaf full­skipuð var erfitt að finna tíma til að leggj­ast í slík­ar fram­kvæmd­ir. Nú aft­ur á móti skil ég ekki hvers vegna ég gerði þetta ekki fyrr, það er hrein­lega betra að koma heim, og það finna all­ir fjöl­skyldumeðlim­ir.“

Hver er upp­á­haldsstaður­inn á heim­il­inu? „Borðstof­an og eld­húsið. Þar geta all­ir verið sam­an, hvort sem verið er að elda, borða, vinna heima­vinnu eða vinna al­mennt en kona eins og ég tek­ur vinn­una tölu­vert með sér heim. Þá er gott að hafa rými þar sem all­ir eru sam­an þó að all­ir séu að gera sitt.“

Það er mik­ill mun­ur á for­stof­unni eft­ir að íbúðin var máluð og tek­in í gegn. mbl.is/Á​rni Sæ­berg

Hvað ger­ir þú þegar þú ert heima? „Eins og hjá fleiri þá auðvitað fer allt of mik­ill tími í til­tekt en svo er það allt þetta týpíska, elda­mennska, heima­vinna, vinna, slök­un. Börn­in mín taka vini sína mikið heim og því er oft mikið fjör og það finnst mér skipta máli – að þetta sé griðarstaður okk­ar allra.“

Hvers vegna keypt­ir þú þessa íbúð? „Þegar ég flutti heim eft­ir nám í Banda­ríkj­un­um leitaði ég lengi á þessu svæði og þegar þessi íbúð kom á sölu var ég harðákveðin í að ná henni. Staðsetn­ing­in er frá­bær, hönn­un­in líka enda Sig­valda­hús, garður­inn er risa­stór og bú­inn leik­tækj­um fyr­ir krakk­ana. Upp­bygg­ing íbúðar­inn­ar heillaði mig einnig, al­rými með stofu, borðstofu og eld­húsi og svo svefn­her­berg­is­gang­ur sem hægt er að loka af. Það er ekki mikið um 5 her­bergja íbúðir á þessu svæði með tveim­ur svöl­um og góðum garði. Svo eru aðeins fjór­ar íbúðir í stiga­gangi svo manni líður aldrei eins og maður sé í stóru fjöl­býli en nýt­ur aft­ur á móti kosta þess þegar kem­ur að fram­kvæmd­um o.s.frv.“

Finnst þér vanta eitt­hvað inn á heim­ilið? „Já, ég ætla að fá mér ann­an sófa í sömu línu á móti þess­um enda gríðarlega vin­sæll og svo var ég að panta mér fal­lega leður­klædda bar­stóla frá Willamia því krökk­un­um finnst þægi­legt að borða morg­un­mat­inn við eyj­una í eld­hús­inu. Svo auðvitað vant­ar mig annað baðher­bergi, enda bý ég með tveim­ur ung­lings­stúlk­um – en það er of há­leit hug­mynd í þessu rými. All­ir í röð!“