Mynd­list­armaður­inn og tón­list­armaður­inn Logi Hösk­ulds­son eða Loji eins og hann kýs að kalla sig er mik­ill áhugamaður um Sig­valda Thor­d­ar­son arki­tekt. Loji held­ur úti skemmti­legri In­sta­gram-síðu þar sem hann fjall­ar um Sig­valda­hús­in. Loji valdi 11 hús fyr­ir Smart­land sem eru í sem mestu upp­á­haldi og svaraði því hvaðan áhug­inn kæmi. 

Hvernig fékkstu áhuga á Sig­valda­hús­un­um?

Fyrstu 10 árin mín ólst ég upp í Álfta­mýri og þar í kring í Háa­leitis­hverf­inu eru nokk­ur hús sem máluð eru í Sig­valdalit­um. Það var eitt­hvað við lit­ina sem fangaði at­hygli mína og ég fór því að hjóla á milli hús­anna til að velta lit­um og form­um fyr­ir mér. Án þess að vita nokkuð um hvernig hús verða til.

Svo flyt ég í annað hverfi, Voga- og Heima­hverfi, og þar er að finna svipuð form og liti í hús­un­um. Þannig að ein­hver hlaut að standa á bak við þessi hús. Ég var orðinn aðeins eldri og far­inn að spyrja aðeins dýpri spurn­inga þannig að á end­an­um kemst ég að því hver það var sem teiknaði þessi hús.

Á unglings­ár­un­um átti ég mér þann draum heit­ast­an að vita hvar öll hús­in hans Sig­valda væru en því miður var bara ekk­ert til neitt skrifað um hann. Þegar maður leitaði að hon­um á net­inu fann maður ekki neitt. Þannig að á ferðalög­um mín­um um Reykja­vík og ná­grenni þá var ég svo­lítið að giska á hvaða hús væru eft­ir hann.

Það að vita ekki neitt og geta ekki fundið neitt um Sig­valda neins staðar kveikti enn þá meiri neista í mér. Þessi þörf að vita meira dró mig áfram og núna með hjálp frá alls kon­ar fólki hef ég náð að staðsetja held ég flest hús sem Sig­valdi hef­ur komið að. In­sta­grammið mitt er eins kon­ar archi­ve af verk­un­um hans og ég læt oft fylgja ein­hverj­ar vanga­velt­ur um hvert hús fyr­ir sig.

Hver eru helstu ein­kenni Sig­valda­húsa?

Útlits­lega fer það eft­ir hverju tíma­bili fyr­ir sig, til dæm­is Sig­valdalit­ir, blár okk­urgul­ur og bein­hvítt. Svo eru það skáþökin sem hann fékk svo greini­lega leið á þegar það fór að síga á seinni hlut­ann og þá tóku við bein þök. En ég held að öll eigi það nú sam­eig­in­legt að vera mjög vel skipu­lögð og fólki líður mjög vel í þeim. 

Hér koma hús­in 11 í engri sér­stakri röð

Ægisíða 80

Göm­ul mynd af Ægisíðu 80. skjá­skot/​In­sta­gram.com/​loji­ho

Ægisíða 80 er talið vera eitt af meist­aratykkj­um Sig­valda, teiknað árið 1956 fyr­ir Ot­h­ar Ell­ing­sen. Þegar þetta hús var friðað 1999 var þetta yngsta húsið á Íslandi til þess að vera friðað.

Bakka­stíg­ur 1

Bakka­stíg­ur 1. skjá­skot/​In­sta­gram.com/​loji­ho

Æðis­leg viðbygg­ing, svo­lítið djarf­ur kokteill sem Sig­valdi reiðir hér fram, mód­ern­isma blandað við sveitser­stíl og út­kom­an finnst mér ansi eitruð.

Háa­leit­is­braut 109-111

Háa­leit­is­braut 109-111. skjá­skot/​In­sta­gram.com/​loji­ho

Mér hef­ur alltaf fund­ist þessi blokk sér­stök. Fyrst fannst mér hún herfi­leg en svo eld­ist maður og þrosk­ast, þá fannst mér hún verða at­hygls­verð. Svo kviknaði áhugi minn á Sig­valda á mennta­skóla­aldr­in­um og þá var ekki aft­ur snúið!

Mela­braut 30

Mela­braut 30. skjá­skot/​In­sta­gram.com/​loji­ho

Á Seltjarn­ar­nesi er fal­leg­asta hús sem hús sem Sig­valdi hef­ur teiknað að mínu mati. Þetta hús ber öll höf­und­ar­ein­kenni Sig­valda, Sig­valdalit­ir, skáþak og grjót­hleðslu­vegg sem hann fiktaði stund­um við.

Búðareyri 5

Búðareyri 5. skjá­skot/​In­sta­gram.com/​loji­ho

Þetta er eig­in­lega mitt upp­á­halds Sig­valda­hús, svo margt furðulegt við það.
Húsið er teiknað árið 1953 fyr­ir Kristján Ólason klæðskera á Reyðarf­irði. Takið eft­ir glugg­an­um á hliðinni og eitt af fáum timb­ur­hús­um eft­ir Sig­valda sem ég veit um!

Sel­ás 8

Sel­ás 8. skjá­skot/​In­sta­gram.com/​loji­ho

Á Eg­ils­stöðum er hægt að finna þetta hús, eitt af nokkr­um raf­stjóra­hús­um sem Sig­valdi teiknaði fyr­ir Rarik á sín­um tíma. Tign­ar­leg höll fyr­ir mann í embætti, öllu tjaldað til. Sig­valdalit­ir, beint þak, skrýt­in glugga­skip­an sem ég samt dýrka al­veg út af líf­inu.

Skild­inga­nes 23

Skild­inga­nes 23. skjá­skot/​In­sta­gram.com/​loji­ho

Vá ég veit ekki hvar ég á að byrja að lýsa þessu húsi, al­gjör Sig­valdi Thor­d­ar­son á ster­um, eitt af mín­um allra upp­á­halds.

Kleif­ar­veg­ur 3

Kleif­ar­veg­ur 3. skjá­skot/​In­sta­gram.com/​loji­ho

Fólk held­ur ef­laust að ég sé stadd­ur í sviss­nesku fjallaþorpi en svo er ekki, ég er stadd­ur of­ar­lega í hlíð í 104 Reykja­vík. Húsið minn­ir óneit­an­lega á hús í sveita­sælu ein­hvers staðar í Ölp­un­um og mér finnst bitarn­ir í þak­inu sem skjót­ast þarna fram ansi fal­leg­ir.

Sum­ar­bú­staður við Selvatn

Sum­ar­bú­staður við Selvatn. skjá­skot/​In­sta­gram.com/​loji­ho

Rétt fyr­ir utan Reykja­vík er drauma­sum­ar­bú­staður­inn minn, teiknaður árið 1952 fyr­ir Ot­h­ar Ell­ing­sen.

Kvist­hagi 13

Kvist­hagi 13. skjá­skot/​In­sta­gram.com/​loji­ho

Í þessu húsi í Vest­ur­bæn­um bjuggu lista­hjón­in Sveinn Þór­ar­ins­son mál­ari og Kar­en Agnete Þór­ar­ins­son list­mál­ari. Al­gjört tíma­móta­hús hjá Sig­valda teiknað árið 1949 það sker sig frá öllu öðru sem hann hafði verið að fást við á þess­um tíma.

Reiðhjalla­virkj­un

Reiðhjalla­virkj­un. skjá­skot/​In­sta­gram.com/​loji­ho

Til hvers að teikna eitt­hvað svona fal­legt sem á ekki að hýsa eitt­hvert líf held­ur ein­tóm­ar vél­ar og hávaða? Bygg­ing­in er al­gjör perla í botni dals­ins, þetta af­skekkta en afar fal­lega hús set­ur stórt spurn­ing­ar­merki við til­gang feg­urðar.

Tengd­ar frétt­ir

Sig­valdi Thor­d­ar­son

Húsið átti að kosta 225 millj­ón­ir en fór á 152 millj­ón­ir

• Fal­in Sig­valda-perla í suður­hlíðum Kópa­vogs
• Eins og ein­býl­is­hús í blokk
• Hul­in Sig­valda­perla á Norður­landi
• Partí í Ásmund­ar­sal til heiðurs Sig­valda

» Fleiri tengd­ar frétt­ir

• Blogga um frétt