Magnús Hreggviðsson og Erla Haraldsdóttir hafa sett glæsilegt einbýlishús sitt í Breiðholtinu á sölu. Hjónin áttu tímaritaútgáfuna Fróða sem gaf meðal annars út tímaritið Séð og Heyrt sem var mest lesna tímarit landsins á frumárum þess. Fróði gaf líka út fleiri glanstímarit sem nutu vinsælda og voru fjölmiðlakóngar þess tíma. Hjónin seldu tímaritaútgáfuna árið 2004 og Magnús stofnaði ráðgjafafyrirtækið Firma Consulting í kjölfarið. 

Magnús og Erla festu kaup á einbýlishúsinu við Þingasel árið 2013 en það var áður í eigu félags Magnúsar FSM ehf. Húsið var reist 1979 og er 314 fm að stærð. 

Hringstiginn á milli hæða er voldugur með laxableiku golfteppi.

Glerlistaverk eftir Leif Breiðfjörð prýðir skrifstofuna.

Stórir leðursófar eru áberandi á heimilinu.

Dallas-stemning

Húsið er höfðinglegt að sjá en þegar inn í það er komið tekur við stór og myndarlegur hringstigi sem gæti verið litli bróðir hringstigans á Southfork í sjónvarpsþáttunum Dallas. Marmari er á gólfum sem gerir forstofuna sérlega glæsilega. Stiginn er teppalagður með laxableiku ullarteppi sem flæðir upp á efri hæðina þar sem samliggjandi stofur og eldhús taka á móti fólki. Bogadregnum línum er gert hátt undir höfði og eru hurðarop og gluggi í þeim stíl. 

Á neðri hæðinni er sérlega flott heimaskrifstofa, eða bókastofa, með viðarklæddum veggjum - ekki ólíkt og var á skrifstofu Ewing-bræðranna í Dallas. Þar er líka glerlistaverk eftir Leif Breiðfjörð og tvöföld glerjuð fulningahurð sem er í sama stíl og viðarveggirnir. Gunnar Magnússon húsgagnahönnuður og innanhússarkitekt hannaði bókastofuna með mahony-innréttingum en hann hannaði líka Hótel Holt að innan sem þykir vera eitt virðulegasta hótel miðbæjarins. 

Heimilið er smekklega innréttað með klassískum húsgögnum: stórum leðursófum, glerborðum og heillandi lömpum. 

Veröndin er teppalögð með gervigrasi.

Garðurinn í kringum húsið er vel hirtur og skipulagður. Á veröndinni er gervigras sem er praktískt því ekki þarf að slá það. Húsið stendur við friðland með fallegri náttúru. 

Sjá nánar á fasteignavef mbl.is: Þingasel 10

Veggirnir eru klæddir með við.

Tengdar fréttir

Heimili

Ágústa hans Gulla Helga selur húsið

• Ný stjórnarkona í Sýn selur lúxushöll í Garðabæ
• Skattakóngar seldu 385 milljóna glæsiíbúð
• Birgir og Lísa selja 205 milljóna lúxushús
• 10 hlutir sem skapa sumarstemningu á heimilinu

» Fleiri tengdar fréttir

Hönnun

Ný stjórnarkona í Sýn selur lúxushöll í Garðabæ

• Skattakóngar seldu 385 milljóna glæsiíbúð
• Birgir og Lísa selja 205 milljóna lúxushús
• 10 hlutir sem skapa sumarstemningu á heimilinu
• Forsetaframbjóðandi selur glæsihús í Arnarnesi

» Fleiri tengdar fréttir

Hverjir fluttu hvert

Skattakóngar seldu 385 milljóna glæsiíbúð

• Birgir og Lísa selja 205 milljóna lúxushús
• Jón og Hafdís keyptu 290 milljóna útsýnishús
• Ragnar Sig keypti einbýlishús í Garðabæ
• Forsetaframbjóðandi selur glæsihús í Arnarnesi

» Fleiri tengdar fréttir

• Blogga um frétt